Scooby-Doo-ს ახალ ფილმში, რომელიც ეკრანებზე 4 ოქტომბერს გამოვიდა, რეჟისორებმა ველმას სექსუალური ორიენტაცია გაასაჯაროვეს. წლების განმავლობაში ველმას სექსუალური ორიენტაციის შესახებ გულშემატკივრებს სხვადასხვა მოსაზრებები ჰქონდათ, ახლა კი ფილმის შემქმნელებმა დაადასტურეს, რომ ველმა ლესბოსელია.

ჯერ კიდევ 2020 წელს Scooby-Doo! Mystery Incorporated-ის პროდიუსერმა ტონი სერვორემ ინსტაგრამის პოსტის კომენტარებში დაადასტურა, რომ ველმა ლესბოსელია. "ეს ადრეც ვთქვი, რომ ველმა Mystery Incorporated-ში ბისექსუალი არ არის. ჩვენ ამას ყოველთვის ვგეგმავდით და როცა ველმა შაგის ხვდებოდა, ის უცნაურად და მისი ხასიათისგან განსხვავებულად იქცეოდა, რადგან ეს ურთიერთობა მისთვის არასწორი იყო და სწორედ ამიტომ ჰქონდა სირთულეები", — განაცხადა სერვონემ.

ფოტო: Warner Bros.

გულშემატკივრები, რომლებიც ველმას სექსუალური ორიენტაციის შესახებ აქამდე დიდხანს მსჯელობდნენ, ახალი ამბით აღფრთოვანებულები არიან. "20 წელი გავიდა მას შემდეგ, რაც პირველად ვიღაცამ სცადა ველმა ეკრანზე ლესბოსელად წარმოედგინა, მაგრამ საბოლოოდ ეს მაინც მოხდა", — წერს ტვიტერის ერთ-ერთი მომხმარებელი.