ამის შესახებ ინფორმაციას გაეროს ბირთვული კონტროლის ხელმძღვანელი, რაფაელ გროსი Twitter-ზე ავრცელებს.

რატომ არის მნიშვნელოვანი: ევროპაში ყველაზე დიდი ატომურ ელექტროსადგურს მარტის დასაწყისიდან ოკუპანტები აკონტროლებენ, ობიექტი არაერთხელ დაიბომბა, რაც ბირთვული კატასტროფის საფრთხეს კიდევ უფრო ზრდის.

  • უკრაინის პრეზიდენტი ვოლოდიმირ ზელენსკი რუსეთს "ბირთვულ შანტაჟში" ადანაშაულებს ელექტროსადგურში დაძაბულობის გამო.
  • IAEA-ში ამბობდნენ, რომ მურაშოვის დაკავებას სერიოზული გავლენა ექნებოდა ქარხნის უსაფრთხოებაზე.

დეტალები: გროსის თქმით, მიესალმება ზაპოროჟიეს ელექტროსადგურის გენერალური დირექტორის გათავისუფლებას. მისივე თქმით, აქვს ინფორმაცია, რომ მურაშოვი ოჯახთან უსაფრთხოდ დაბრუნდა.

  • უკრაინული მხარის ინფორმაციით, იჰორ მურაშოვი რუსულმა ძალებმა 30 სექტემბერს დააკავეს.
  • მომდევნო დღეს ენერგოატომის ხელმძღვანელმა, პეტრო კოტინმა დაწერა, რომ ის მაშინ დააკავეს, როდესაც ატომური სადგურიდან ქალაქ ენერგოდარში მიემგზავრებოდა.
  • "ის მანქანიდან გადმოიყვანეს და თვალდახუჭული გაურკვეველი მიმართულებით წაიყვანეს", — წერდა ის.