განათლების ცენტრის ორგანიზებითა და ესპანურ IE University-თან, ამერიკულ The Academy of Mathematics and Science-სა და ამერიკულ უნივესიტეტ The Global American University, Schiller-თან თანამშრომლობით 2022 წლის 8 ოქტომბერს 12:00-დან 17:00 საათამდე სასტუმრო რედისონ ბლუ ივერიაში გაიმართება განათლების საერთაშორისო გამოფენა, რომელიც უმასპინძლებს 20 უნივერსიტეტს 18 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად გაესაუბრონ უნივერსიტეტის წარმომადგენლებს და დაუსვან მათთვის საინტერესო კითხვები. გამოფენაზე ასევე იქნებიან LEAF-ის კონსულტანტები. ამერიკულ-ქართული განათლების ცენტრი LEAF არის 150-ზე მეტი უნივერსიტეტისა და საგანმანათლებლო დაწესებულების წარმომადგენელი საქართველოში. საერთაშორისო განათლების გამოფენას წარმოგიდგენთ სოლო. პროექტის მხარდამჭერები არიან: საერთაშორისო აკადემია ლოგოსი და სქულბუქი.

განათლების გამოფენაში მონაწილეობის მისაღებად გთხოვთ, გაიაროთ რეგისტრაცია შემდეგ ბმულზე: https://logos.edu.ge/leaf/

ფოტო: leaf

IE უნივერსიტეტი არის კერძო უნივერსიტეტი, რომელიც მდებარეობს სეგოვიასა და მადრიდში, ესპანეთში. ის არის ესპანეთის ერთ-ერთი საუკეთესო უნივერსიტეტი, რომელიც მსოფლიოშია ცნობილი მაღალი აკადემიური ხარისხით. IE დაარსდა 1973 წელს, როდესაც IE ბიზნეს სკოლამ მიიღო MBA პროგრამის სტუდენტები. უნივერსიტეტმა რამდენიმე წლის შემდეგ იურიდიული სკოლაც გახსნა. IE-მ საბაკალავრო პროგრამები 2006 წელს დანერგა.

ბაკალავრიატის დონეზე დღეს სტუდენტებს დიდი არჩევანი აქვთ:

  • დიზაინი
  • ბიზნესი და ეკონომიკა
  • სამართალი და საერთაშორისო ურთიერთობები
  • სოციალური მეცნიერებები
  • ტექნოლოგია
  • არქიტექტურა
  • მათემატიკა
  • კომუნიკაციები და ციფრული მედია
  • საერთაშორისო ურთიერთობები
  • ფილოსოფია, პოლიტიკა, სამართალი და ეკონომიკა

საბაკალავრო პროგრამებს შორის არის ორმაგი დიპლომის პროგრამაც, რომელიც საშუალებას აძლევს სტუდენტებს მოემზადონ 2 მიმართულებით.

უნივერსიტეტის სამართლის სკოლა მსოფლიოს ისეთ წამყვან უნივერისტეტებთან თანამშრომლობს, როგორებიცაა: Kings College და Northwestern University.

კონკრეტული ფაკულტეტის სწავლისას, სტუდენტებს საშუალება აქვთ გაცვლითი სემესტრით მოცემული ორი პარტნიორი უნივერსიტეტიდან ერთ-ერთში გააგრძელონ სწავლა.

სამაგისტრო დონეზე სტუდენტებს შეუძლიათ მიიღონ მაგისტრის ხარისხი 16 მიმართულებით, ასევე MBA ბიზნესის მართვის მაგისტრის ხარისხი და საერთაშორისო სამართლის მაგისტრის ხარისხი.

IE უნივერსიტეტი თანამშრომლობს სხვა უნივერსიტეტებთანაც. მაგალითად ამერიკულ ბრაუნის უნივერსიტეტთან ერთად ხორციელდება IE Brown Executive MBA პროგრამა. უნივერსიტეტი პარტნიორობს 100-მდე პრესტიჟულ საგანმანათლებლო დაწესებულებასთან მთელს მსოფლიოში.

უნივერსიტეტს ასევე აქვს სადოქტორო პროგრამა ბიზნესის მიმართულებით.

IE ევროპაში არის მოწინავე დისტანციურ სწავლებაშიც და აქვს ინოვაციური პროგრამები, რაც დღეს ძალიან მნიშვნელოვანია.

ბაკალავრიატსა და მაგისტრატურაზე სწავლების ენა არის ინგლისური, ხოლო დოქტურანტურაზე — ესპანური.

ყოველ წელს უნივერსიტეტი კარს უღებს 130 სხვადასხვა ქვეყნის სტუდენტს, უნივერსიტეტის სტუდენტთა 75% არა-ესპანელია.

საბაკალავრო პროგრამის წლიური გადასახადი 22 800 ევროა.

ორმაგი საბაკალავრო დიპლომის შემთხვევაში, კი — 25 900 ევრო.

სამაგისტრო პროგრამის საფასური საშუალოდ 33 000 ევროდან 36 000 ევრომდე მერყეობს, თუმცა მაგალითად საერთაშორისო MBA პროგრამის ღირებულება არის: 72 200 ევრო

უნივერსიტეტი დამსახურებულ სტუდენტებს აძლევს დაფინანსების მოპოვების შესაძლებლობას. მათ ასევე შეუძლიათ ისარგებლონ სტუდენტური სესხით.

თქვენ გაქვთ შესაძლებლობა, პირადად შეხვდეთ უნივერსიტეტის წარმომადგენელს და გაესაუბროთ განათლების საერთაშორისო გამოფენაზე სასტუმრო რედისონ ბლუ ივერიაში 8 ოქტომბერს შუა დღის 12 საათიდან საღამოს 5 საათამდე. შეუერთდით ღონისძიებას: https://logos.edu.ge/leaf/

LEAF-ის პარტნიორია ცნობილი ბრიტანული კომპანიის QS (Quacquarelli Symonds) საუნივერსიტეტო განაცხადების პლატფორმა QS Student Apply. თანამშრომლობის ფარგლებში საზღვარგარეთ სწავლის გაგრძელების მსურველებს შესაძლებლობა ექნებათ მარტივი სააპლიკაციო პროცედურით გააგზავნონ განაცხადები დიდი ბრიტანეთის, აშშ-ს, ევროპის, ახალი ზელანდიისა და ავსტრალიის პარტნიორ პრესტიჟულ უნივერსიტეტებში.