საპარლამენტო ოპოზიციამ დაარეგისტრირა საგამოძიებო კომისიის შექმნაზე ინიციატივას, რომელიც შეეხება შინაგან საქმეთა მინისტრის და სხვა თანამდებობის პირების თანამშრომლობას რუსეთის სპეცსამსახურებთან.

რატომ არის მნიშვნელოვანი: სახელმწიფო უსაფრთხოების სამსახურის ყოფილმა მაღალჩინოსანმა თქვა, რომ 2016-2017 წლებში გომელაური FSB-ს აგენტებს ხვდებოდა, მათ შორის ოკუპანტ ქვეყანაში.

  • ვახტანგ გომელაურმა განაცხადა, რომ გოგაშვილის მონათხრობი ტყუილია და ვლადიკავკაზში არ ყოფილა.

დეტალები: პარლამენტში საგამოძიებო კომისიის შესაქმნელად 50 ხმაა საკმარისი. ინიციატივას კი ხელი 51 დეპუტატმა მოაწერა.

  • "იმედი გვაქვს, რომ სწრაფად დაიწყება განხილვა და სწრაფად დადგება ეს საკითხი კენჭისყრაზე", — განაცხადა ლელოს ერთ-ერთმა ლიდერმა სალომე სამადაშვილმა.

არქივიდან: ქართული ოცნების წევრი და იურიდიულ საკითხთა კომიტეტის თავმჯდომარემ, ანრი ოხანაშვილმა ლელოს ინიციატივას "თითიდან გამოწოვილი" უწოდა.

  • თბილისის მერმა, კახა კალაძემ გოგაშვილის წერილს აბსურდი უწოდა და თქვა, რომ მტკიცებულებები რომ არსებობდეს გამოძიება დაიწყებოდა.
  • მამუკა მდინარაძე კი ამბობს, რომ არ იცის ვინ სად დადიოდა და აღნიშნავს, რომ "რუსული მოგონილი ნარატივი" დამაზიანებელია არ მხოლოდ ქართული ოცნებისთვის, არამედ საქართველოსთვის.