ემის რიგით 74-ე დაჯილდოება 26 წლის ზენდეიასთვის განსაკუთრებულად წარმატებული აღმოჩნდა. ამერიკელმა მსახიობმა ნომინაციაში "საუკეთესო ქალი მსახიობი დრამატულ სერიალში" ემი მოიპოვა. ამ გამარჯვებით ზენდეია ყველაზე ახალგაზრდა მსახიობი გახდა, რომელმაც ემი ორჯერ მიიღო. ზენდეია პირველი შავკანიანი ქალიცაა, რომელმაც მთავარი როლის შესრულებისთვის ემი ორჯერ მოიპოვა.

ზენდეიამ ემი ორივეჯერ — 2020 და 2022 წლებში — HBO-ს ეიფორიაში შესრულებული როლისთვის მიიღო. სერიალში ზენდეია თინეიჯერ რუ ბენეტს განასახიერებს, რომელიც ნარკოდამოკიდებულებას ებრძვის.

"ყველაზე მეტად ის მინდოდა, რომ ეიფორია ხალხს ჭრილობების მოშუშებაში დახმარებოდა და მადლობას ვუხდი ყველას, ვინც ამ ისტორიის ნაწილი ჩემთან ერთად გახდა. მინდა ყველამ, ვისაც რუ უყვარს ან ვინც თავადაა რუ, იცოდეთ, რომ თქვენი ისტორიებისთვის მადლობელი ვარ და მათ ჩემთან და მასთან [რუსთან] ერთად ვატარებ. დიდი მადლობა", — განაცხადა ზენდეიამ სამადლობელ სიტყვაში.

ნომინაციაში "საუკეთესო ქალი მსახიობი დრამატულ სერიალში" ზენდეიამ ჯოდი კომერს (Killing Eve), ლორა ლინს (Ozark), მელანი ლინსკის (Yellowjackets), სანდრა ოსა (Killing Eve) და
რიზ უიზერსპუნს (The Morning Show) აჯობა.