ამის შესახებ თურქეთის კალათბურთის ფედერაციის თავმჯდომარის მოადგილემ, ომერ ონანმა განცხადება გაავრცელა.

რატომ არის მნიშვნელოვანი: ევრობასკეტის თამაშზე, თურქეთისა და საქართველოს შეხვედრაზე ვითარება რამდენჯერმე დაიძაბა.

  • გააძევეს მოთამაშეები, როგორც თურქეთის, ისე საქართველოს ნაკრებიდან.
  • თამაშის შემდეგ გამართულ პრესკონფერენციაზე თურქეთის ნაკრების მწვრთნელის ასისტენტმა თქვა, რომ საქართველოს ნაკრების სამი წევრი, უსაფრთხოების სამსახურისა და პოლიციის თანამშრომლები მათი გუნდის წევრებს თავს დაესხნენ.
  • ისინი აცხადებენ, რომ თუ კამერების ჩანაწერებს არ ამოიღებენ, ტურნირს დატოვებენ.

დეტალები: მწვრთნელის ასისტენტის, ჰაკან დემირის თქმით, ისინი საქართველოში ჩამოვიდნენ, როგორც მეგობარ ქვეყანაში, ელოდნენ უფრო მეტ სტუმართმოყვარეობას, ჯენტლმენურ საქციელს.

  • საქართველოს ნაკრების მწვრთნელმა, ილიას ზუროსმა პრესკონფერენციაზე ინციდენტის შესახებ კომენტარი არ გააკეთა. მან თქვა, რომ ამაზე არაფერი იცოდა.
  • თამაშზე ფურკან კორკმაზისა და დუდა სანაძის დაპირისპირების შემდეგ სანაძემ totalbasket-თან განაცხადა, რომ კორკმაზს უთხრა, ეს სულელური ჯარიმა იყო, თურქი მოთამაშის რეაქცია კი ასეთი იყო.
  • ქართველი კალათბურთელის თქმით, კორკმაზი მას ეუბნებოდა, რომ შეხვედროდა გასახდელში.
  • "ეს ცუდი ინციდენტი იყო. ჩვენ მეგობრული ქვეყნები ვართ და ეს ყველაფერი არ უნდა მომხდარიყო, თუმცა იმ დროს ემოციური ფონი მაღალი იყო".