საგანგებო სიტუაციების მართვის სამსახურის განცხადებით, ხანძარი ტყის მასივშია. ადგილზე მობილიზებული არიან მეხანძრე-მაშველები და ცეცხლის ჩაქრობას ცდილობენ.

რატომ არის მნიშვნელოვანი: ბოლო თვეების განმავლობაში საქართველოში ხანძარი არაერთ ადგილას გაჩნდა, მათ შორის, ყველაზე მასშტაბური ბორჯომში.

  • ერთ კვირაში თბილისში უკვე მეორედ იყო ერთდროულად რამდენიმე ხანძრის კერა — ამ ეტაპზე ისინი ლიკვიდირებულია.
  • გარდა ამისა, 3 სექტემბერს ხანძარი გაჩნდა ყვარელსა და შილდის ტყეში, რომლის ქრობაში ავიაცია და თავდაცვის სამინისტროც ჩაერთო.

საგანგებომ არაერთხელ მოუწოდა მოსახლეობას, გამოიჩინონ ყურადღება და ხანძრების პრევენციისთვის, ტყის ან ველის სიახლოვეს ცეცხლი არ დაანთონ.

  • ასევე, არ დაყარონ საყოფაცხოვრებო ნივთები, რამაც, შესაძლოა, ხანძრის გავრცელებას შეუწყოს ხელი.