ბირთვული განიარაღების საკითხზე ერთვიანი შეხვედრა წარუმატებლად დასრულდა. გაეროს კონფერენციაზე რუსეთმა ბირთვული იარაღის გაუვრცელებლობის შესახებ შეთანხმების საბოლოო პროექტის მიღებაზე უარი თქვა.

რატომ არის მნიშვნელოვანი: ხელშეკრულება ყოველ 5 წელიწადში ერთხელ განიხილება, როგორც ბირთვული რისკების შემცირებისა და ბირთვული არსენალის გაფართოების შეჩერებას ძალისხმევის ნაწილი.

დეტალები: გაეროს ელჩის განცხადებით, რუსეთი ხელშეკრულებაში ისეთი ცვლილებების შეეტანას ცდილობდა, რაც მომდევნო ეტაპზე ქაოსს გამოიწვევდა.

  • ბირთვული იარაღის გაუქმების საერთაშორისო კომპანიის წარმომადგენლის თქმით, საშიში გლობალური სიტუაციის ფონზე, ასეთი შედეგი პასუხისმგებლობის თავიდან აცილებას ნიშნავს.

ამასობაში, აშშ-მ და ათობით სხვა ქვეყანამ ერთობლივი განცხადება გამოაქვეყნეს, სადაც რუსეთის მიერ ზაპოროჟიეს ატომურ ელექტროსადგურზე თავდასხმის საფრთხეებზეა საუბარი.

  • დაგმეს რუსეთის წარმომადგენლების ნებისმიერი ჩარევა ზაპოროჟიეს ელექტროსადგურის მუშაობაში და მოუწოდეს რუსეთს, დაუყოვნებლივ დატოვონ ტერიტორია.

არქივიდან: ევროპაში ყველაზე დიდი ატომურ ელექტროსადგურს მარტის დასაწყისიდან ოკუპანტები აკონტროლებენ, ობიექტი არაერთხელ დაიბომბა, რაც საფრთხეს კიდევ უფრო ზრდის.

  • ოკუპანტებმა ზაპოროჟიეს ატომურ ელექტროსადგურს ცეცხლი 22 აგვისტოსაც გაუხსნეს — თავდასხმის შედეგად დაიღუპა ერთი ადამიანი, ერთი კი დაშავდა.
  • 25 აგვისტოს ცნობილი გახდა, რომ ისტორიაში პირველად, ზაპოროჟიეს ატომური ელექტროსადგური ქსელიდან მთლიანად გაითიშა.