ირაკლი კობახიძე

23 Aug. 2022, 13:11

როგორც თავად უყვართ ხოლმე თქმა, შოკისმომგვრელია ჩემთვის ერთი მარტივი მიზეზის გამო — ISFED ხმების პარალელური დათვლის გაყალბებაში აქტიურად იყო ჩართული. მისი მეშვეობით განხორციელდა გაყალბება, რაც იყო უმძიმესი ფაქტი და გახსოვთ, რა როლი შეასრულა ხმების პარალელური დათვლის გაყალბებამ 2020-ის არჩევნების შემდეგ.

რადიკალური ოპოზიციისთვის ეს გახდა მაშინ მთავარი საყრდენი, რომ განეხორციელებინათ პარლამენტის საბოტაჟი. ეს იყო ძალიან მძიმე ფაქტი. ISFED მაშინ პირდაპირ იყო ჩართული იმ რევოლუციურ პროცესებში, რომელიც იყო მართული რადიკალური ოპოზიციის მხრიდან. ამის შემდეგ ჩვენ ვხედავთ ISFED-ს უკვე პარლამენტის წინ აღმართულ სცენაზე, სადაც გაისმის პოლიტიკური მოთხოვნა მთავრობის გადადგომასთან დაკავშირებით და შემდეგ უკვე ტექნიკური მთავრობის ჩამოყალიბებაზე.  ISFED აქაც მოგვევლინა რევოლუციური პროცესის თანამონაწილედ.

როდესაც ამის შემდეგ საელჩო ISFED-ს უწოდებს ყველაზე სანდო ორგანიზაციას და მის მიმართ გამოთქვამს სურვილს, იყოს ჩართული სამუშაო პროცესში, ეს ჩვენთვის ბუნებრივია, არის გასაკვირი. საზოგადოება ისედაც არის გაურკვევლობაში გარკვეული ფაქტების გამო. საზოგადოება ისედაც ვერ ხვდება, როგორ შეიძლება პოლიტიკურ, რადიკალურ პროცესებში იყოს ჩართული ამერიკული დაფინანსებით არასამთავრობო ორგანიზაცია. როდესაც ამას ემატება ამერიკის საელჩოს გაურკვეველი ტიპის განცხადებები, ეს ბუნებრივია, საზოგადოებაში გაურკვევლობის ხარისხს კიდევ მეტად ზრდის.

აღნიშნა მმართველი პარტიის თავმჯდომარემ, ირაკლი კობახიძემ. მის კომენტარს საზოგადოებრივი მაუწყებელი ავრცელებს. აშშ-ის საელჩომ განაცხადა, რომ ISFED-ის არდაშვება პარლამენტის საარჩევნო რეფორმის პროცესის გულწრფელობასთან დაკავშირებით კითხვებს ბადებს.


კომენტარები

კვირის ტოპ-5

  1. ტესტი: აბა, ეს სადაა?
  2. ტესტი: გამოიცნობ ქვეყანას გერბით?
  3. რა ღირს ბინები თბილისის სხვადასხვა უბანში
  4. მერაბიშვილი: დამაბრალო ის, რასაც მთელი ცხოვრება ვებრძოდი, არის ამორალური და უსინდისო საქციელი
  5. უკრაინის უმაღლესი თანამდებობის პირები პოსტებს ტოვებენ — რა ხდება

გირჩევთ

ახლა კითხულობენ

როგორ იცვლებოდა ინვესტირება და საფონდო ბირჟები დროთა განმავლობაში

ტექნოლოგიური განვითარება ჩვენი ყოველდღიურობის ყველა ასპექტს შეეხო. ბუნებრივი მოვლენაა ისიც, რომ საფონდო ბირჟებზე…