ზელენსკი რუსეთის მოქალაქეებზე: არ შეიძლება ევროპა სუპერმარკეტად იქცეს

13 Aug. 2022, 13:08

ყველაფრის შემდეგ, რაც ოკუპანტებმა გააკეთეს უკრაინაში, შეიძლება იყოს მხოლოდ ერთი დამოკიდებულება რუსეთის მიმართ — როგორც ტერორისტულ სახელმწიფოსთან. სწორედ ამ თვალსაზრისით უნდა გადაწყდეს დამოკიდებულება რუსეთის მოქალაქეების მიმართ. მადლობას ვუხდი ჩეხეთს, ბალტიისპირეთის და სხვა ქვეყნებს, რომლებმაც ევროპაში ოფიციალურ დონეზე გაიტანეს დისკუსია ტერორისტული სახელმწიფოს მოქალაქეებისთვის ვიზების საკითხზე.

რა თქმა უნდა, ყველას გვესმის, რომ არიან ადამიანები, რომლებსაც ნამდვილად სჭირდებათ დაცვა, ვისაც რუსეთში დევნიან, შესაძლოა, მოკლან კიდეც, მათ უნდა მიიღონ დახმარება ცივილიზებული სამყაროსგან. ამისთვის არის ცნობილი სამართლებრივი მექანიზმები — ლტოლვილების მეშვეობით, თავშესაფრის მოთხოვნით, დახმარებისა და მხარდაჭერის სხვა შესაძლებლობებით. მაგრამ ეს მათთვის, ვინც იბრძვის, მათთვის, ვისაც დევნიან და ეს არ უნდა ეხებოდეს რუსეთის მოქალაქეების დასვენებას ევროპაში, ტურიზმს, გართობას, ბიზნეს საქმეებს. ტერორისტულ სახელმწიფოზე მუშაობა არ შეიძლება...

პირველ რიგში, უნდა არსებობდეს გარანტია, რომ რუსი მკვლელები, ტერორისტი სახელმწიფოს ხელმძღვანელობა ვერ გამოიყენებენ შენგენს. მეორეც, ჩვენ არ უნდა გავანადგუროთ ევროპის იდეა, ჩვენი საერთო ევროპული ღირებულებები — არ შეიძლება ევროპას სუპერმარკეტად იქცეს, სადაც არ აქვს მნიშვნელობა ვინ შედის და მთავარია, ადამიანმა უბრალოდ საქონლის გადაიხადოს.

ამიტომ, რუსეთის მოქალაქეებისთვის სავიზო შეზღუდვები სამართლიანია. ევროპული ღირებულებების ყველა დამცველმა ეს დაჟინებით უნდა მოითხოვოს.

ბოლო ამბები: