განსაკუთრებით დიდი ოდენობით ღირებულების, სახელმწიფოს კუთვნილი უძრავი ქონების თაღლითურად დაუფლების ბრალდებით, ოთხი პირი დააკავეს. მათ შორის, დაკავებულია სოფელ ლისში, მცხეთის მუნიციპალიტეტის გამგებლის ყოფილი წარმომადგენელი, ხოლო ერთი პირი.

საქართველოს ფინანსთა სამინისტროს საგამოძიებო სამსახურის მტკიცებით, აღნიშნულმა პირებმა, წინასწარი შეთანხმებით, ყალბი მიღება-ჩაბარების აქტებით და მიწის გადასახადის გადამხდელთა ყალბი საგადასახადო სიების გამოყენებით, თაღლითურად მიითვისეს, ლისის ტბის მიმდებარედ არსებული, სახელმწიფოს კუთვნილი 15 ათასი კვ.მ. მიწის ნაკვეთი, რომლის გასხვისებისთვისაც ერთ მილიონ ლარზე მეტი მიიღეს.

საქმეზე გამოძიება სსსკ-ის 180-ე მუხლის მესამე ნაწილის ბ ქვეპუნქტით მიმდინარეობს, რაც ითვალისწინებს თავისუფლების აღკვეთას ექვსიდან ცხრა წლამდე ვადით.