უკრაინა: მტკიცედ ვუჭერთ მხარს საქართველოს სუვერენიტეტსა და ტერიტორიულ მთლიანობას

7 Aug. 2022, 12:53

7 აგვისტოს რუსეთის ფედერაციის მიერ საქართველოს წინააღმდეგ შეიარაღებული აგრესიის დაწყებიდან 14 წელი გავიდა. თითქმის 10 წელიწად-ნახევრის შემდეგ რუსეთი საქართველოს წინააღმდეგ აგრესიულ პოლიტიკას აგრძელებს, აფხაზეთსა და ცხინვალის რეგიონს ოკუპაციის ქვეშ ტოვებს და ამ ტერიტორიებზე ადამიანის უფლებებს უხეშად არღვევს.

უკრაინა მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში.

რუსეთმა მსოფლიოსგან საქართველოს წინააღმდეგ განხორციელებულ აგრესიაზე შესაბამისი პასუხი არ მიიღო და 2014 წელს აგრესიული ქმედებები უკრაინაში გააგრძელა — მოახდინა ყირიმის, დონეცკისა და ლუგანსკის რეგიონების ნაწილის ოკუპაცია და 2022 წლის 24 თებერვალს დაიწყო სრულმასშტაბიანი ომი უკრაინის წინააღმდეგ.

ჩვენ დარწმუნებულები ვართ, რომ რუსეთის ფედერაციის აგრესიული პოლიტიკის შეჩერება საერთაშორისო საზოგადოების ერთობლივი ძალისხმევით შესაძლებელია, რუსეთის წინააღმდეგ სანქციებით და იმ ქვეყნების ყოვლისმომცველი მხარდაჭერით, რომლებზეც მოსკოვი აგრესიას ახორციელებს.

რუსეთმა საქართველოს და უკრაინის ტერიტორიების ნაწილის დეოკუპაცია უნდა მოახდინოს და რუსმა სამხედრო დამნაშავეებმა უნდა აგონ პასუხი.

ბოლო ამბები: