თურქეთის პრეზიდენტი ამბობს, რომ ახლა მნიშვნელოვანია, გეგმა ეფექტურად განხორციელდეს და პოზიტიური ატმოსფერო კონკრეტულ ნაბიჯებად გადაიქცეს, რათა მხარეები სტამბულში მოლაპარაკებებს დაუბრუნდნენ.

რატომ არის მნიშვნელოვანი: პუტინი და ერდოღანი ერთმანეთს 5 აგვისტოს სოჭში შეხვდნენ.

  • შეხვედრაზე, რომელიც პუტინის პრესსპიკერის, დმიტრო პესკოვის თქმით, 4 საათზე მეტ ხანს მიმდინარეობდა, რუსული გაზის ნაწილობრივ რუბლში შესყიდვაზე მიიღეს გადაწყვეტილება.

დეტალები: Unian ინფორმაციას Hurriyet-ზე დაყრდნობით ავრცელებს.

  • როგორც მედია წერს, ერდოღანმა აღნიშნა, რომ "ომში გამარჯვებული არ იქნება".
  • "ადგილზე არსებული სირთულეების მიუხედავად, მტკიცედ მჯერა, რომ კრიზისი მოლაპარაკებების მაგიდასთან მოგვარდება".
  • "კიდევ ერთხელ შევახსენე ბატონ პუტინს, რომ მისსა და ბატონ ზელენსკის შეხვედრას შეგვიძლია ვუმასპინძლოთ".

Unian წერს, რომ კრემლი უკრაინასთან სამშვიდობო მოლაპარაკებების შუამავლად რეჯიფ თაიფ ერდოღანს განიხილავს, თუმცა კიევი ზავის პირობების შერბილებას არ აპირებს.