Ford-მა მიწოდების ჯაჭვისა და ნედლეულის მარაგების პრობლემები გადაჭრა, რამაც მეორე კვარტალში მისი შემოსავლები მოსალოდნელ მაჩვენებლებზე მეტად გაზარდა.

უფრო კონკრეტულად, კომპანიამ 2022 წლის მეორე კვარტალში $40,2 მილიარდის შემოსავალი მიიღო — ეს მაშინ, როდესაც გასული წლის იმავე პერიოდში ეს მაჩვენებელი $26,6 მილიარდი იყო.

ამასთან, ავტომობილის გაყიდვიდან მიღებული შემოსავალი 57%-ით არის გაზრდილი და $37,9 მილიარდს შეადგენს. ეს მაჩვენებელი პროგნოზირებულ მონაცემბს 3,6 მილიარდით აღემატება.

აღსანიშნავია, რომ გაყიდული ავტომობილების რაოდენობა 35%-ით არის გაზრდილი, ანუ უფრო ნალებად, ვიდრე თავად თანხაში გამოსახული შემოსავლების რაოდენობა. ეს გარემოება ანალიტიკოსებს აფიქრებინებს, რომ შემოსავლების ზრდაში კომპანიას ინფლაციაც, ანუ ფასების დონის ზრდაც დაეხმარა.

"ჩვენ მიზანმიმართულად და სწრაფად მივდივართ Ford-ის ისტორიაში ზრდის ყველაზე პერსპექტიული პერიოდისკენ" — თქვა კომპანიის აღმასრულებელმა დირექტორმა ჯიმ ფარლიმ.

ამჟამად Ford-ის ერთი აქცია 13,99 დოლარის ფარგლებში ივაჭრება. კომპანიის ფასიანი ქაღალდები მიმდინარე წლის დასაწყისთან შედარებით 32,6%-ით არის შემცირებული, ხოლო ივლისის დასაწყისში დაფიქსირებულ მაჩვენებელს 23,6%-ით აღემატება.

ავტომობილების გლობალური ინდუსტრია მიწოდების ჯაჭვის პრობლემების წინაშე ჯერ კიდევ დგას, რაც, უმთავრესად, ავტომობილების კომპიუტერული ჩიპების დეფიციტით გამოიხატება.

იმის გამო, რომ ამ პერიოდში მოთხოვნა მიწოდებას მნიშვნელოვნად აღემატებოდა, ავტომობილების ფასებმა ბოლო თვეების განმავლობაში რეკორდულ ნიშნულს მიაღწია.

უნდა ითქვას, რომ ავტომწარმოებლებისთვის ერთ-ერთი რისკ-ფაქტორი მაღალი რეცესიის მოლოდინიც არის. სავარაუდოა, რომ რეცესიის მზარდი რისკი ახალ ავტომობილებზე მოთხოვნას შეამცირებს.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.