ლონდონში 61 წლის შეილა გარდაცვალებიდან ორწელიწადნახევრის შემდეგ იპოვეს. მიუხედავად იმისა, რომ ამ დროის განმავლობაში მისი ქირა არავის გადაუხდია და მეზობლებმაც რამდენჯერმე გამოთქვეს უკმაყოფილება სუნის გამო, ვერცერთმა პასუხისმგებელმა ორგანომ ვერ მოახერხა იმის შემოწმება, ცოცხალი იყო თუ არა შეილა.

შეილას ცხედარი თებერვალში იპოვეს — მას შემდეგ, რაც მეზობელმა პოლიციაში დარეკა, რადგან შტორმის გამო შეილას აივანი დაზიანებული იყო. შეილას მდგომარეობის შესამოწმებლად სახლში შესულ პოლიციელებს ქალი დიდი ხნის გარდაცვლილი დახვდათ.

შეილას ვინაობის დადგენა მხოლოდ სტომატოლოგიური მონაცემებით მოხერხდა. როგორც ჩანს, მას ოჯახის წევრები და ახლო მეგობრები არ ჰყავდა. მეზობლების მიერ განხორციელებულმა 100-მდე ზარმა კი აქამდე შედეგი ვერ გამოიღო. სამეზობლოს გაერთიანება შეილასთვის მხოლოდ ელექტრონული ფოსტითა და წერილების გაგზავნით შემოიფარგლებოდა. მეზობლებმა პოლიციელებს უთხრეს, რომ მათი ეჭვები სერიოზულად არავინ მიიღო.

"რთულია იმის გააზრება, რომ არავინ ჰყავდა. ვერავინ შენიშნა, რომ გაუჩინარდა", — განაცხადა ერთ-ერთმა მეზობელმა.

შეილას ცხედართან ერთად ნაპოვნი ბოლო ქვითრები 2019 წლის აგვისტოთი თარიღდება. სწორედ ასე დაადგინეს პოლიციელებმა ქალის გარდაცვალების სავარაუდო დრო.