ტელეკომპანია ფორმულას წამყვანს დაზარალებულის სტატუსი პროკურატურამ მას შემდეგ მიანიჭა, რაც გუშინ, 13 ივლისს მედიაომბუდსმენმა 10 ჟურნალისტის უკანონოდ მოსმენის საქმეზე საჩივარი ევროპულ სასამართლოში წარადგინა.

რატომ არის მნიშვნელოვანი: 13 სექტემბერს ერთ-ერთი ღია წყაროზე აიტვირთა სასულიერო პირებთან, ჟურნალისტებთან აქტივისტებთან, დიპლომატებთან და სხვა პირებთან დაკავშირებით მასალები, რომელმაც სავარაუდოდ, სახელმწიფო უსაფრთხოების სამსახურიდან გაჟონა.

  • ჩანაწერების ავთენტურობა ბევრმა ადამიანმა, მათ შორის, ჟურნალისტებმაც დაადასტურეს.

დეტალები: საუბარია ეპიზოდზე, რომელიც ჟურნალისტისა და აქტივისტ ნატა ფერაძის დიალოგს ასახავს.

  • ჩიხლაზე ვარაუდობდა, რომ ტრანსგენდერ ადამიანებზე, როგორც ერთ-ერთ ყველაზე მოწყვლად ჯგუფზე თვალთვალი მიმდინარეობდა.
  • ჟურნალისტი ამბობდა, რომ მაშინ, როდესაც პანდემია ახალი დაწყებული იყო, მისმა მეგობარმა სასულიერო პირებმა მათი საკვებით დახმარება გადაწყვიტეს, რის შემდეგაც ჩიხლაძე ნატა ფერაძეს დაუკავშირდა და ამის ორგანიზება სთხოვა.
  • "ტელეფონზე გვქონდა ძალიან ხანმოკლე დიალოგი. მესენჯერშიც ორი-სამი კითხვით გავცვალეთ ინფორმაცია".
  • "მეც და ნატაც ვფიქრობთ, ასე გვახსოვს, რომ დიალოგის ის ნაწილი, რომელიც არის გაშიფრული სიტყვა-სიტყვით, შედგა ნატა ფერაძესთან სახლში, სადაც მე კონკრეტულად ვუყვებოდი ვინ არიან ეს ადამიანები, რატომ გადაწყვიტეს მათი დახმარება", — ამბობდა ის.

კონტექსტი: ევროპარლამენტის 2022 წლის 9 ივნისის რეზოლუციაში საქართველოს ხელისუფლებას მოუწოდეს მოსმენების საქმეზე ეფექტიანი გამოძიება ჩაატაროს.

On.ge დამატებითი ინფორმაციისთვის პროკურატურას დაუკავშირდა, უწყების პასუხს მიღებისთანავე შემოგთავაზებთ.