კუბილიუსი: მმართველი პარტია ქმნის პრობლემებს იმისთვის, რომ საქართველომ მოიპოვოს სტატუსი

12 Jul. 2022, 16:00

ჩვენ ძალიან შეშფოთებულები ვართ ბოლო დროს საქართველოში განვითარებული მოვლენებით, როცა მთავრობა მიზანმიმართულ შეცდომებს უშვებს. მმართველი პარტიის პოლიტიკა ქმნის რეალურ პროობლემებს იმისთვის, რომ საქართველომ მოიპოვოს კანდიდატის სტატუსი. ჩვენ მუდმივად ვსვამთ კითხვას თუ როგორ შეუძლია ევროპას საქართველოს დახმარება, ასევე, რა სახის ნაბიჯები უნდა გადაიდგას იმისთვის, რომ ეფექტურად დავარწმუნოთ ევროპული საზოგადოება. საქართველოს პოლიტიკურმა ლიდერებმა, მმართველმა პარტიამ რაციონალური და სათანადო დასკვნები უნდა გააკეთონ იმ კრიტიკისა და რეკომენდაციების შემდეგ, რაც ევროკომისიამ გასცა.

საქართველოს სურს წევრობა. ევროკავშირი ქვეყანას სთავაზობს პირობებს, რომლებიც საქართველომ სტატუსის მისაღებად უნდა შეასრულოს. პირობები არ არის ქვეყნის პოლიტიკაში ჩარევა, არამედ ეს არის გზა, რითიც შეგვიძლია დახმარება. სწორედ ამიტომ, ვერ ვიქნებით ჩუმად, როცა საქართველო შეცდომებს უშვებს. ეს ქმნის საქართველოსთვის ბარიერებს სტატუსის მოსაპოვებლად. ჩვენ ჩვენი მოვალეობები გვაქვს, ამიტომ უპასუხისმგებლოდ ვერ მოვიქცევით. ჩვენ არ ვცდილობთ საქართველოში რევოლუციას. მარტივად ვამბობთ იმას, რასაც პასუხისმგებლობიდან გამომდინარე უნდა ვამბობდეთ. ამიტომ, უნდა გადაიდგას ეფექტური ნაბიჯები საერთაშორისო საზოგადოების დასარწმუნებლად. ქართველმა პოლიტიკოსებმა უნდა გააცნობიერონ რა პასუხისმგებლობაც აკისრიათ, თუ ამას ვერ გააკეთებენ, მაშინ ნუ ეწყინებათ ისტორიაში მათი სახელები არც ისე სასიამოვნო კონტექსტით თუ ჩაიწერება.

ხალხი გამოვიდა მასშტაბურ დემონსტრაციაზე, ახლა ჯერი პოლიტიკოსებზეა, რომ ადეკვატურად მოიქცნენ. უნდა დასხდნენ ოპოზიცია, მმართველი გუნდი, სამოქალაქო საზოგადოება და იპოვონ გამოსავალი. მნიშვნელოვანი საკითხია, ასევე, სასამართლო სისტემის რეფორმირება, რომ ის უფრო გამჭირვალე გახდეს. ბევრი საკითხია სადისკუსიოდ. საუკეთესო გამოსავალია ეროვნული ერთიანობის მთავრობა და რაც მთავარია, გააკეთეთ საქმე, ნუ დაელოდებით დეკემბრის თვეს. [რუსთავი 2-ის თარგმანი]

ბოლო ამბები:

ანდრიუს კუბილიუსი კუბილიუსი: მმართველი პარტია ქმნის პრობლემებს იმისთვის, რომ საქართველომ მოიპოვოს სტატუსი

კომენტარები

კვირის ტოპ-5

გირჩევთ

ახლა კითხულობენ

აღმოაჩინეს "სიგამხდრის მუტაცია", რომელიც ოზემპიკივით მოქმედებს