NDI-ის კვლევის თანახმად, გამოკითხულთა 23 პროცენტი ფიქრობს, რომ საქართველო უნდა გაწევრიანდეს ევრაზიულ კავშირში, რომელიც დაარსებულია რუსეთის ფედერაციის, ბელორუსის და ყაზახეთის მიერ, ხოლო 65 პროცენტის აზრით საქართველო ევროკავშირში უდნა გაწევრიანდეს.

ამასთან, კითხვაზე თუ საქართველო ახლა შეიტანს განაცხადს ევროკავშირის წევრობაზე, გამოკითხულთა უმრავლესობამ (32%) უპასუხა - "არ ვიცი", 20 პროცენტის მოსაზრებთ, მომავალ ხუთ წელიწადში გახდება წევრი, ხოლო 23 პროცენტი კი მიიჩნევს, რომ ევროკავშირის წევრობამდე საქართველო მომავალ 5-10 წელიწადში მიაღწევს.

კვლევის საველე სამუშაოები NDI-ის დაკვეთით, CRRC-იმ 2017 წლის 7-28 აპრილის პერიოდში ჩაატარა. გამოკითხული 2 493 მოქალაქე წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირი ინტერვიუს სახით გამოკითხეს. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.