მარიუპოლის მერის მრჩეველის, პეტრო ანდრიუშენკოს განცხადებით, ოკუპანტებმა თავისუფლების მოედანს ლენინის მოედანი დაარქვეს. როგორც ის წერს, დამწვარი და განადგურებული სახლების ფონზე, მოედანზეო რუსეთის დროშაც დაამაგრეს.

ოკუპირებული მარიუპოლის შესასვლელში, ოკუპანტებმა ქალაქის წარწერაც შეცვალეს — ის რუსეთის დროშის ფერებში შეღებეს, უკრაინული "i" კი, რუსული "и"-ით ჩაანაცვლეს.

"რა მისცა რუსეთმა უკრაინის ქალაქს? დანგრეული ცხოვრება, დანგრეული სახლები, საყვარელი ადამიანების დაკარგვა. ქალაქში სიკვდილის სუნი ტრიალებს", — წერს ის ტელეგრამზე.

მარიუპოლი რუსეთის უკრაინაში შეჭრის პირველივე დღეებიდან ალყაში იყო. ქალაქს აზოვსტალში მყოფი სამხედროები იცავდნენ. 86-დღის შემდეგ კი, ქალაქის მცველებმა, სიცოცხლის გადარჩენის ბრძანება მიიღეს.

8 ივნისს, უკრაინამ გააკეთა განცხადება, მარიუპოლის მცველების 210 ცხედარი დაიბრუნეს.