დროა ივანიშვილთან დაახლოებული პირების სანქცირებას ითხოვს. პარტიის ლიდერმა, ელენე ხოშტარიამ ბრიფინგზე ის ბიზნესმენები ჩამოთვალა, რომლებიც, მისი თქმით, ივანიშვილის ოლიგარქიული მმართველობის საყრდენები არიან.

"დავით ხიდაშელი — ღიად კრემლთან დაახლოებული, ევტუშენკოვის მარჯვენა ხელი. მონაწილეობდა ბევრ პრორუსულ სპეცოპერაციაში, მათ შორის, სირიაში, უკრაინაში და საქართველოში და რომელიც დღეს სარგებლობს დიდი პოლიტიკიური და ეკონომიკური შეღავათებით და უნდა იყოს სანქცირებული ბიძინა ივანიშვილთან ერთად.

უჩა მამაცაშვილი — პრაქტიკულად, არაფორმალური მმართველი ეკონომიკის საქართველოში, ფლობს კრიტიკულ ინფრასტრუქტურას და არის პარტნიორი, სანკტ-პეტერბურგის ყოფილი მერის, პოლტავჩენკოსი, რომელიც არის, ასევე, სანქცირებული და ძალიან ცხადი და ღია არის კავშირები კრემლთან", — განაცხადა მან.

ხოშტარიამ დაასახელა ვანო ჩხარტიშვილიც. მისი თქმით, გარდა იმისა, რომ ჩხარტიშვილი არაერთ კორუფციულ და მაფიოზულ გარიგებაში მონაწილეობდა, ასევე რუსული სახელმწიფო კომპანია როსნეფტის ოფიციალური პარტნიორია. ამასთან, პარტია ითხოვს ოთარ ფარცხალაძის დასანქცირებასაც. ხოშტარიას განცხადებით, ფარცხალაძე დღემდე რჩება პროკურატურისა და ფინანსური პოლიციის მაკონტროლებლად. ასევე, მონაწილეობს უამრავ ბიზნეს მაფიოზურ გარიგებაში.

"ირაკლი რუხაძე — გარდა იმისა, რომ არის ბევრ ჩრდილოვან კორუფციულ გარიგებაში, პირდაპირ ღიად ფლობს პროპაგანდისტულ მედიებს, როგორიც არის იმედი, მაესტრო და GDS, მონაწილეოებს პოლიტიკურ პრიცესში. ღიად აკეთებს განცხადებებს, რომ საქართველო არ უნდა ასრულებდეს საერთაშორისო სანქციებს, მათ შორის, საბანკო სფეროში, რუსეთის წინააღმდეგ", — აღნიშნავს ის.

ხოშტარიას თქმით, ეს არის იმ ოლიგაქრების ნაწილი, რომელზეც ბიძინა ივანიშვილი ოლიგარქიული მმართველობა დგას და დასძენს, რომ აქვთ კონკრეტული სამხილები, რასაც პარტნიორებს გადასცემენ.

ევროპარლამენტმა საქართველოში მედიის თავისუფლების დარღვევებისა და ჟურნალისტების უსაფრთხოების გამოწვევების შესახებ რეზოლუცია მიიღო, რომელსაც მხარი 308 დეპუტატმა დაუჭირა. წინააღმდეგი 218 იყო.

8 ივნისს ევროპარლამენტში ამ საკითხზე დებატები გაიმართა. ევროპარლამენტარებმა საქართველოში მედიაგარემო კრიტიკულად შეაფასეს და შეშფოთება გამოხატეს მთავრობის დამოკიდებულებებზე, რაც რეზოლუციაში დაწვრილებით აისახა.

ტექსტის ერთ-ერთი ყველაზე მნიშვნელოვანი პუნქტი ქართული ოცნების დამფუძნებლის, ბიძინა ივანიშვილისთვის სანქციების დაწესების მოწოდებას და მის კრემლთან ურთიერთობას ეხება. რეზოლუცია საქართველოს მთავრობას ზოგადი პრინციპებისა და მოვალეობების დაცვისკენ მოუწოდებს, ამასთანავე მასში განხილულია კონკრეტული საკითხები, რაზეც ხელისუფლებას შესაბამისი რეაგირება უნდა ჰქონდეს, როგორიცაა 5 ივლისის, ნიკა გვარამიას და მიხეილ სააკაშვილის საქმეები.

• რა წერია ევროპარლამენტის რეზოლუციის ტექსტში საქართველოზე