ქართული ოცნების დეპუტატის, გურამ მაჭარაშვილის თქმით, ევროპარლამენტარების მიერ გაკეთებული განცხადებების "აბსოლუტური უმრავლესობა უსაფუძვლო იყო". ამის შესახებ მან ჟურნალისტებთან ისაუბრა.

"მე მგონი, შეუიარაღებელი თვალითაც ჩანდა ის, რომ ამ განცხადებებიდან აბსოლუტური უმრავლესობა იყო უსაფუძვლო. წინააღმდეგ შემთხვევაში, იმ ქვეყანაში, სადაც ისინი რეალურად ფიქრობენ და რამე მტკიცებულება აქვთ, რომ საქართველოში არის პრორუსული მთავრობა, ოლიგარქია, დემოკრატია უკან მიდის, ქვეყანა იქცევა და ამის ფონზე, მაინც უნდა მიანიჭონ სტატუსი, ბუნებრივია, რომ ეს ლოგიკასთან კავშირში არ არის", — თქვა მან.

გუშინ ევროპარლამენტში საქართველოში მედიის თავისუფლებასა და ჟურნალისტთა უსაფრთხოებაზე იმსჯელეს. გაკეთდა კრიტიკული განცხადებები, მათ შორის, მედიის თავისუფლების საკითხზე. დღეს, 9 ივნისს კი რეზოლუციას მიიღებენ.

გაიგე მეტი: