ლუგანსკის რეგიონული ადმინისტრაციის ხელმძღვანელის, სერგეი გაიდაის განცხადებით, უკრაინა ახლა მხოლოდ სევეროდონეცკის გარეუბნებს აკონტროლებს. მისი თქმით, აზრი არ აქვს უკრაინელი სამხედროების ქალაქში დარჩენას მას შემდეგ, რაც რუსეთმა დაიწყო ტერიტორიის განადგურება დაბომბვით და საჰაერო დარტყმებით.

"ჩვენი ძალები ახლა აკონტროლებენ მხოლოდ ქალაქის გარეუბნებს, მაგრამ ბრძოლები ჯერ კიდევ გრძელდება. ჩვენი ძალები იცავენ სევეროდონეცკს, შეუძლებელია ითქვას, რომ რუსები მთლიანად აკონტროლებენ ქალაქს", — ამბობს ის.

რეგიონის ლიდერებმა განაცხადეს, რომ ქალაქსა და სამხრეთით მდებარე სოფლებში მძიმე ბრძოლების ფონზე უკრაინულ ძალებს შესაძლოა მოუწიოთ უკან დახევა სევეროდონეცკის უფრო ძლიერი პოზიციებიდან.

მანამდე გაიდაიმ განაცხადა, რომ არავინ აპირებს სევეროდონეცკის დათმობას. მისი თქმით, რუსები ლისიჩანსკ-ბახმუტის გზას ძლიერად ესროდნენ და უკრაინელები არ იყენებენ ამ გზას, რადგან ძალიან საშიშია.