ნათია თურნავა ეროვნული ბანკის საბჭოს წევრად აირჩიეს. თურნავას სასარგებლოდ პარლამენტში ხმა 80-მა დეპუტატმა მისცა, 9 კი წინააღმდეგი იყო.

საქართველოს პრეზიდენტმა პარლამენტს ეროვნული ბანკის საბჭოს წევრის თანამდებობაზე ასარჩევად, ნათელა თურნავას კანდიდატურა 24 მაისს წარუდგინა.

ნათია თურნავა ეკონომიკისა და მდგრადი განვითარების მინისტრად 2019 წლის 18 აპრილს, მამუკა ბახტაძის პრემიერმინისტრობის დროს დაინიშნა და ამ თანამდებობას სამი წლის განმავლობაში იკავებდა. მან ქართული ოცნების პირობებში სამ პრემიერმინისტრთან — მამუკა ბახტაძესთან, გიორგი გახარიასთან, ირაკლი ღარიბაშვილთან — იმუშავა. თურუნავამ მინისტრის თანამდებობა მიმდინარე წლის 9 თებერვალს დატოვა.