ბრიტანეთის თავდაცვის სამინისტროს დაზვერვის ცნობით, უკრაინელმა სამხედროებმა სევეროდონეცკის ნაწილი დაიბრუნეს. ამის შესახებ უწყება Twitter-ზე წერს და აღნიშნავს, რომ ოკუპანტების პროგრესი შეჩერდა პოპასნას სამხრეთითაც.

"შაბათ-კვირას უკრაინულმა ძალებმა სევეროდონეცკის ნაწილი დაიბრუნეს, თუმცა რუსული ძალები, სავარაუდოდ, აღმოსავლეთ ოლქების ოკუპაციას აგრძელებენ. რუსეთის ფართო გეგმა, სავარაუდოდ, ისევ არის სევეროდონეცკის ტერიტორიის მოწყვეტა, როგორც ჩრდილოეთით, ასევე, სამხრეთით.

რუსეთმა მაისის განმავლობაში მიაღწია წინსვლას პოპასნას სამხრეთით, თუმცა ამ ტერიტორიაზე პროგრესი გასულ კვირას შეჩერდა. იზიუმში ძლიერი დაბომბვების შესახებ ცნობები იძლევა ვარაუდს, რომ რუსეთი ჩრდილოეთ ღერძზე განახლებული ძალისხმევისთვის ემზადება", — აღნიშნულია განცხადებაში.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.