ნახეთ ჰარისა და მეგანის შვილის ახალი ფოტო — ლილიბეთი მამასავით წითურია

ბოლო რამდენიმე დღის განმავლობაში მსოფლიოს ყურადღების ცენტრში ბრიტანეთის სამეფო ოჯახის პატარები არიან. უილიამისა და ქეითის შვილმა, 4 წლის ლუიმ თავისი ანცობით ყველას გული მოიგო. თუმცა მას არც ჰარისა და მეგანის შვილი, პატარა ლილიბეთი ჩამორჩება.

4 ივნისს ლილიბეთს 1 წელი შეუსრულდა და დაბადების დღე ინგლისში გადაიხადა. ლილიბეთის დაბადების დღე მისმა მშობლებმა ახლო მეგობრებთან ერთად პიკნიკით აღნიშნეს. სწორედ იქ გადაუღო მეგანისა და ჰარის მეგობარმა ლილიბეთს ფოტო.

ფოტოზე ლილიბეთსა და ჰარის შორის მსგავსებას მარტივად აღმოაჩენთ, რადგან ორივე წითურია. თუმცა თუ მეგანის ბავშვობის ფოტოს ნახავთ, დარწმუნდებით, რომ ლილიბეთი დედის ნამდვილი ანარეკლია.

ჰარი და მეგანი 2018 წელს დაქორწინდნენ და მათ ორი შვილი — არჩი და ლილიბეთი ჰყავთ. შეგახსენებთ, რომ ჰარიმ და მეგანმა მაღალი რანგის სამეფო სტატუსი დატოვეს და სამეფო ოჯახისგან განცალკევებით ცხოვრობენ.

ამავე თემაზე:

ბოლო ამბები:

გირჩევთ