NATO-ს გენერალურმა მდივანმა, იენს სტოლტენბერგმა განაცხადა, რომ რუსეთის პრეზიდენტი, ვლადიმერ პუტინი უკრაინაში ნაკლები NATO-ს გამო შეიჭრა, მაგრამ მეტს იღებს. ამის შესახებ მან აშშ-ს პრეზიდენტ ჯო ბაიდენთან, ვიცე-პრეზიდენტ კამალა ჰარისთან და ეროვნული უსაფრთხოების მრჩეველ ჯეიკ სალივანთან შეხვედრის შემდეგ ისაუბრა.

სტოლტენბერგის თქმით, ომები, ბუნებით, არაპროგნოზირებადია და ამიტომ დასავლეთი მზად უნდა იყოს გრძელვადიან პერსპექტივაში. მანვე აღნიშნა, რომ რუსეთის შეჭრა უკრაინაში იქცა გამანადგურებელ ომად, სადაც უკრაინელები მძიმე ფასს იხდიან ბრძოლის ველზე საკუთარი ქვეყნის დასაცავად, მაგრამ რუსეთიც დიდ მსხვერპლს იღებს.

როგორც სტოლტენბერგმა განაცხადა, სჯერა, რომ ომი მოლაპარაკების მაგიდასთან დასრულდება და უკრაინას კვლავ სჭირდება NATO-ს მხარდაჭერა.

NATO-ს გენერალურმა მდივანმა აღნიშნა ისიც, რომ შეხვედრაზე აშშ-ის წარმომადგენლებთან განიხილა მადრიდში NATO-ს სამიტი, რომელიც ივნისის ბოლოს, უსაფრთხოებისთვის გადამწყვეტ დროს გაიართება. მან თქვა, რომ მოუთმენლად ელის ბაიდენის ესპანეთში მიღებას.