რუსთაველის თეატრის სამხატვრო ხელმძღვანელი, რობერტ სტურუა სოციალურ ქსელში ამერიკის შეერთებული შტატების ელჩისადმი მიძღვნილ წერილს აქვეყნებს და აცხადებს, რომ ვერ აუხსნია, რატომ სურთ "ქედმაღალი და ამპარტავანი დიდი ქვეყნების მითითებით პატარა უძველესი ისტორიისა და კულტურის ქვეყანამ საბედისწერო შეცდომები ჩაიდინოს". სტურუას მიერ გამოქვეყნებული ტექსტი ირონიულია და შეურაცხმყოფელ განცხადებებს შეიცავს

"დაგავიწყდათ? ის თუ გახსოვთ, დახმარების ნაცვლად თქვენმა ქვეყანამ დასალევი წყალი რომ გამოგვიგზავნა!

ამავე დროს კი გულთბილი სერიოზულობით ქართველების მტრებს, ქურდბაცაცებს, ძალაუფლებით დაკაეფებულ მკვლელებთან სემინარებს აწყობთ ბაკურიანში! რატომ? ეს იგივეა, ამერიკელებს რომ შევძახოთ: ახლავე შეურიგდით ჯეფრი ეპშტეინს და ერთად გაუძეხით ბრწყინვალე ქვეყანასო?!", — წერს ის.

ის საუბრობს ჯო ბაიადენის განცხადებაზე ვლადიმერ პუტინის შესახებ, როდესაც აშშ-ის პრეზიდენტმა რუსეთის პრეზიდენტს მკვლელი უწოდა და ამტკიცებს, რომ "ექსპრეზიდენტ სააკაშვილს და მის მაფიას ზუსტად იმავე დანაშაული მიუძღვის".

"რატომ ჩაგვაცივდით ქართველებს, თითქოს "ბანანის რესპუბლიკის" მკვიდრნი ვიყოთ და რომ ჩვენ სასწრაფოდ უნდა შევურიგდეთ ოპოზიციას, სრულიად ზნედაცემულ ადამიანებს, ვისთვისაც ფულის, მთავრობის სავარძლების "პედოფილური" სიყვარულის გარდა არაფერი გააჩნიათ?!

პირველად კაცობრიობის ისტორიაში დიდი ქვეყნის პრეზიდენტმა ბაიდენმა მეორე დიდი ქვეყნის პრეზიდენტს, პუტინს მკვლელი უწოდა!

გადაამოწმეთ CIA-ს მონაცემები და დარწმუნდებით რომ საქართველოს ყოფილ პრეზიდენტ სააკაშვილს და მის მაფიას ზუსტად იგივე დანაშაული მიუძღვის! მე ვფიქრობ, რომ თქვენნაირმა პროფესიონალმა ეს ძალიან კარგად იცის!", — ამბობს რუსთაველის თეატრის სამხატვრო ხელმძღვანელი.

სტურუა დეგნანს მოუწოდებს, რომ მისი "თითქოს ვულკანიდან ამოხეთქილი "ემოციის ლავა" მის მომხიბვლელ ნაცისტ გოგოებს არ მისცეს", რადგან მისი თქმით, ისინი არ უთარგმნიან ზუსტად თეატრის სამხატვრო ხელმძღვანელის "გულის ნადებს".