რამდენად უცნაურადაც არ უნდა მოგეჩვენოთ, დიახ, არც მეტი, არც ნაკლები, ჰანეკე იღებს ფილმს სახელად ბედნიერი დასასრული.

ვინც ჰანეკეს შემოქმედებას არ იცნობს, გეტყვით, რომ ის სიტყვაძუნწი, თუმცა შემაძრწუნებელი სტილით არის სახელგანთქმული. მისი ფილმები ხშირად თანამედროვე საზოგადოების პრობლემებსა და მწვავე სოციალური საკითხების ეხება. ის თავის ფილმებში ყოველთვის ტოვებს ადგილს, შესაძლებლობას, რომ მაყურებელი თავად, საკუთრი ფანტაზიით, ადამიანური გამოცდილებითა და ბუნებით ჩაერთოს მთელ პროცესში.

ფილმში მთავარ როლს ლეგენდარული მსახიობი იზაბელ იუპერი ასრულებს.

ცოტა ხნის წინ, გადასაღები მოედნიდან პირველი ფოტოც გავრცელდა.

კინოსურათი ევროპაში საემიგრაციო კრიზისის დაწყების პერიოდში ერთ-ერთი ოჯახის თავგადასავალს მოგვითხრობს.

კანის კინოფესტივალზე მთავარი პრიზისთვის ერთმანეთს ცხრამეტი ფილმი შეეცილება, მათ შორის იქნება ეს ფილმიც.

აღსანიშნავია, რომ ოსკარის ნომინანტი იზაბელ იუპერი კანში სხვა მისიითაც ჩავა, ის პროგრამა Women in Motion-ის წლევანდელი სახეა. რაც იმას ნიშნავს, რომ იუპერი კანში ჩასულ ქალ კინოხელოვანებს კინოინდუსტრიაზე დაელაპარაკება.

კანის კინოფესტივალი წელს 17 მაისს დაიწყება.