განათლების სამინისტრო განათლების სამინისტრო მოუწოდებს თბილისის სახელმწიფო უნივერსიტეტს, 2021-2022 სასწავლო წლის ჰიბრიდულ რეჟიმში დასრულებას. მათი თქმით, თსუ-მ მაქსიმალურად უნდა გაითვალისწინოს სტუდენტების მდგომარეობა.

"საქართველოს განათლებისა და მეცნიერების სამინისტრო მოუწოდებს თბილისის სახელმწიფო უნივერსიტეტის ხელმძღვანელობას, მაქსიმალურად გაითვალისწინოს სტუდენტების მდგომარეობა — უზრუნველყოს სტუდენტურ საცხოვრებელში თავისუფალი ადგილების ათვისება, მათი განთავსება და 2021-2022 სასწავლო წლის ჰიბრიდულ რეჟიმში დასრულება.

მოგეხსენებათ, უნივერსიტეტები საკუთარი ავტონომიურობის ფარგლებში სასწავლო პროცესთან დაკავშირებით თავადვე იღებენ კონკრეტულ გადაწყვეტილებებს. სამინისტრო იმედს გამოთქვამს, რომ თბილისის სახელმწიფო უნივერსიტეტი მაქსიმალურად გაითვალისწინებს სტუდენტების მოთხოვნებს და შესაბამის გადაწყვეტილებას მიიღებს", — აცხადებს სამინისტრო.

თსუ-ის სტუდენტები სწავლის აუდიტორიაში დაწყებას აპროტესტებენ და სემესტრის ჰიბრიდულ რეჟიმში დასრულებას ითხოვენ. ისინი ამბობენ, რომ ამ დროით ბინის დაქირავება არ შეუძლიათ და სამსახურის დაკარგვის საფრთხე ექმნებათ.