უკრაინის პრეზიდენტის ადმინისტრაციის უფროსის მრჩეველი, მიხაილო პოდოლიაკი ვლადიმერ პუტინს პასუხობს და აცხადებს, რომ რუსეთის ავადმყოფური ამბიციების გარდა, ამ ომისთვის რაციონალური მიზეზი არ არსებობდა. ამის შესახებ ის Twitter-ზე წერს.

"მოდით, ისევ ვისაუბროთ. NATO-ს ქვეყნები არ აპირებდნენ რუსეთზე თავდასხმას. უკრაინა არ გეგმავდა ყირიმზე თავდასხმას. რუსეთის ჯარისკაცები იხოცებიან არა თავიანთ ქვეყანის დაცვის დროს, არამედ სხვა ქვეყნის ოკუპაციის მცდელობის დროს. რუსეთის ავადმყოფური იმპერიალისტური ამბიციების გარდა, ამ ომისთვის არანაირი რაციონალური მიზეზი არ არსებობდა", — წერს პოდოლიაკი.

დღეს, 9 მაისს წითელ მოედანზე რუსული არმია საზეიმო აღლუმით გამოვიდა. შეკრებილებს სიტყვით მიმართა რუსეთის პრეზიდენტმა, ვლადიმერ პუტინმა, რომელმაც კიდევ ერთხელ გააჟღერა საკუთარი პროპაგანდისტული გზავნილები, თუმცა თქვა იმაზე ნაკლები, ვიდრე მსოფლიო ელოდა.

მან გაატარა ნარატივი, თითქოს უკრაინაში შეჭრა დასავლეთმა, ნატოს გაფართოებამ და უკრაინის აგრესიულმა რიტორიკამ აიძულა. ის ამტკიცებდა, რომ უკრაინა ბირთვულად შეიარაღებას, ყირიმში შეჭრას და დონბასში სადამსჯელო ღონისძიებებს გეგმავდა.

გაიგეთ მეტი: