თბილისის მერი, კახა კალაძე უკრაინის ოფიციალური პირების განცხადებებს საქართველოს ხელისუფლების მიმართ "უპასუხისმგებლოსა და უსამართლოს" უწოდებს და ამბობს, რომ როცა სხვა ადამიანის პრორუსულობაზე საუბრობ, ჯერ საკუთარ თავს უნდა შეხედო. ამის შესახებ მან იმედის გადაცემაში ისაუბრა.

"ადამიანმა, რომელიც პრორუსულობაზე საუბრობს ვიღაცაზე და ცრუ ბრალდებებს წარმოადგენს, პირველ რიგში, საკუთარ თავს უნდა შეხედოს, ვინ არის ეგ ადამიანი. ჯერ იყო და, საუბარი იყო იმასთან დაკავშირებით, თითქოს, საქართველოდან რუსეთი იარაღს ღებულობდა, აბსოლუტურად გაუგებარი განცხადება.

ჩვენი მხრიდან გაკეთებული იქნა განცხადება, რომ წარმოადგინეთ, თუ გაქვთ რაიმე დამადასტურებელი მტკიცებულებები, წარმოადგინეთ. არაფერი, სიჩუმე. როგორ შეიძლება, როდესაც მეგობარი ქვეყნა ხარ, შენი მეგობარი ქვეყნის მიმართ ასეთი უსამართლო, უპასუხისმგებლო განცხადებები გააკეთო?", — განაცხადა მან.

უკრაინაში ხშირად აკრიტიკებენ პარტნიორი ქვეყნის მთავრობის გადაწყვეტილებებს და ხაზს უსვამენ, რომ გულდასაწყვეტია. პასუხად ქართული ოცნება უკრაინის სამთავრობო გუნდს უტევს და მას ნაციონალური მოძრაობასთან კავშირს აბრალებს.

ამავე თემაზე:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში