აზოვის ბატალიონის დაზვერვის განყოფილების ოფიცრის, ილია სამოილენკოს განცხადებით, ტყვედ ჩავარდნის შემთხვევაში გადარჩენის დაბალი შანსების მიუხედავად, დანებება მიუღებელია. მისი თქმით, ასეთ დიდ საჩუქარს მტერს ვერ გაუკეთებენ. ამის შესახებ მან ვიდეო კონფერენციაზე ისაუბრა.

"მსგავს კრიტიკულ სიტუაციაში, როგორიც დღეს არის, ჩვენ 4 არჩევანი გვაქვს. პირველი, შენ, რა თქმა უნდა, შეგიძლია დაყარო იარაღი, დაჯდე კუთხეში და ამის დასრულებას დაელოდო. ეს იქნება ნელი სიკვდილი შიმშილით ან სწრაფი — ბომბის შედეგად. უბრალოდ უნდა შეეგუო.

მეორე არჩევანია, რომ ლაჩრულად გაიქცე, მხოლოდ შენს სიცოცხლეზე იფიქრო, არ იფიქრო შენს მოვალეობაზე.

მესამე, შეგიძლია დაყარო იარაღი და უბრალოდ ჩაბარდე. და მეოთხე, რომელიც სიცოცხლის გარანტიის ერთადერთი გზაა და რომლითაც არ შეგრცხვება იმისა, რაც გააკეთე — დადექი და იბრძოლე.

ჩვენი მთელი ამ დროის განმავლობაში ვიცოდით, რომ აზოვის ბატალიონს არ აქვს გადარჩენის მაღალი შანსები, თუ ტყვედ ჩავვარდებით და ჩვენთვის დანებება მიუღებელია. ასეთ დიდ საჩუქარს მტერს ვერ გავუკეთებთ", — განაცხადა ილია სამოილენკომ.

წაიკითხეთ ასევე:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში