ბრიტანეთის თავდაცვის სამინისტროს სადაზვერვო სამსახურის ინფორმაციით, რუსეთი აზოვსტალზე შტურმს აგრძელებს, თუმცა ეს მათი პერსონალისა და აღჭურვილობის დანაკარგების ხარჯზე ხდება. ამის შესახებ უწყება Twitter-ზე წერს.

"რუსეთის განცხადებების მიუხედავად, რომ მხოლოდ მის ბლოკირებას მოახდენდნენ, რუსული ძალები მარიუპოლში, აზოვსტალის ქარხანაზე მეორე დღეა აგრძელებენ სახმელეთო თავდასხმას.

რუსეთის განახლებული მცდელობა, რომ აზოვსტალი დაიკავონ და მარიუპოლის აღება დაასრულონ, დიდი ალბათობით, უკავშირდება 9 მაისის გამარჯვების დღის აღნიშვნასა და პუტინის სურვილს, მიაღწიოს სიმბოლურ გამარჯვებას უკრაინაში.

ამ მცდელობებს პერსონალის, აღჭურვილობისა და საბრძოლო მასალის დანაკარგები მოჰყვა. მაშინ, როცა უკრაინელები აზოვსტალში წინააღმდეგობას აგრძელებენ, რუსული დანაკარგები გაიზრდება და სამხრეთ დონბასში მათ ოპერატიულ გეგმებს ვერ მიაღწევენ", — აღნიშნავენ დაზვერვაში.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში