რუსეთის პრეზიდენტი, ვლადიმერ პუტინი ისრაელის პრემიერმინისტრს ესაუბრა ტელეფონით, რა დროსაც მათ უკრაინაში არსებული ვითარება განიხილეს. ამაზე ინფორმაციას რუსეთის სამთავრობო მედია ავრცელებს.

მათივე ცნობით, პუტინმა აღნიშნა, რომ რუსი სამხედროები მშვიდობიანი მოსახლეობის უსაფრთხოდ გამოყვანისთვის მზად არიან.

"რაც შეეხება აზოვსტალში დარჩენილ ბოევიკებს, კიევმა მათ იარაღის დაყრის ბრძანება უნდა მისცეს", — ნათქვამია განცხადებაში.

4 მაისს გავრცელდა ინფორმაცია, რომ რუსი სამხედროები აზოვსტალის ქარხანაში შეიჭრნენ. ამას კრემლი უარყოფს და ამტკიცებს, რომ იქ ხუთშაბათს ჰუმანიტარული დერეფნები ფუნქციონირებდა.

21 აპრილს, მას შემდეგ, რაც სერგეი შოიგუმ ვლადიმერ პუტინს უთხრა, თითქოს მარიუპოლი აიღეს და მხოლოდ აზოვსტალის ინდუსტრიული ზონის შტურმიღა რჩებოდათ, პუტინმა ეს გეგმა დაიწუნა. მან ბლოკადის გაგრძელება მოითხოვა და ამტკიცებდა, ვითომ ეს რუსი ჯარისკაცების ჯანმრთელობასა და სიცოცხლეზე ზრუნვის გამო გადაწყვიტა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში