კრემლი უარყოფს, რომ რუსეთის ჯარები აზოვსტალის ქარხანაში შეიჭრნენ და ამტკიცებენ, რომ აქ ხუთშაბათს ჰუმანიტარული დერეფნები ფუნქციონირებდა. ინფორმაციას ამის შესახებ Reuters ავრცელებს.

მედიის ცნობით, კითხვაზე, ადასტურებენ თუ არა უკრაინის მიერ გავრცელებულ ინფორმაციას შტურმის შესახებ, დმიტრი პესკოვმა პასუხად ვლადიმერ პუტინის წინა ბრძანება მოიყვანა, რომლის მიხედვითაც, საოკუპაციო ძალებს აზოვსტალის ბლოკირება აქვსთ დავალებული.

4 მაისს გავრცელდა ინფორმაცია, რომ რუსი სამხედროები აზოვსტალის ქარხანაში შეიჭრნენ. მანამდე რუსეთის თავდაცვის მინისტრმა, სერგეი შოიგუმ განაცხადა, რომ აზოვსტალის ქარხანაში დარჩენილი უკრაინული ძალები "საიმედოდ არიან ბლოკირებულები".

21 აპრილს, მას შემდეგ, რაც სერგეი შოიგუმ ვლადიმერ პუტინს უთხრა, თითქოს მარიუპოლი აიღეს და მხოლოდ აზოვსტალის ინდუსტრიული ზონის შტურმიღა რჩებოდათ, პუტინმა ეს გეგმა დაიწუნა. მან ბლოკადის გაგრძელება მოითხოვა და ამტკიცებდა, ვითომ ეს რუსი ჯარისკაცების ჯანმრთელობასა და სიცოცხლეზე ზრუნვის გამო გადაწყვიტა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში