წლევანდელი Met Gala-ს თემა "მოდის ანთოლოგია ამერიკაში: 'მოოქრული ხანის' ბრწყინვალება" იყო და მიწვეულ ვარსკვლავებს აშშ-ის 1870-1900 წლების მოდა უნდა გაეცოცხლებინათ. თუმცა კიმ კარდაშიანმა გადაწყვიტა, რომ მერილინ მონროს ბრილიანტებით მორთული საკულტო კაბა მოერგო.

მერილინ მონროს ეს კაბა 1962 წელს სიმღერა Happy Birthday, Mr. President-ის შესრულების დროს ეცვა, რომლითაც ჯონ კენედის დაბადების დღე მიულოცა. კიმის ჩაცმულობამ მაყურებლებს ბევრი შეკითხვა გაუჩინა, რომელთაგან ერთ-ერთი იყო, თუ როგორ შეძლო კიმმა ამ კაბის მორგება?

კიმ კარდაშიანის სხეულის ფორმები მერილინ მონროსგან რადიკალურად განსხვავდება. თან კაბა წლების განმავლობაში მუზეუმში ინახებოდა და მისი გადაკეთება არ შეიძლება. კიმმა ამაზე პასუხად განაცხადა, რომ თავდაპირველად კაბა არ მოერგო და ამიტომ მკაცრი დიეტა დაიწყო.

კიმმა მეთ გალაზე განაცხადა, რომ კაბაში ჩასატევად 3 კვირა მკაცრ დიეტაზე იყო — მან რაციონიდან შაქარი და ნახშირწყლები ამოიღო, სარბენ ბილიკზე ვარჯიშობდა და ე.წ. საუნის კოსტიუმი ეცვა. საბოლოოდ მან 3 კვირაში 7 კგ-ზე მეტი დაიკლო და კაბის მორგებაც შეძლო. ამ ყველაფრის გამო კიმმა დიდი კრიტიკაც დაიმსახურა. თუმცა გავრცელებული კადრებიდან ჩანს, რომ კაბის მოსარგებად მკაცრი დიეტა მაინც არ აღმოჩნდა საკმარისი.

ფოტო: tmz.com

ვიდეო, რომელშიც კიმი მერილინ მონროს კაბას მეორედ ირგებს, Met Gala-მდე 10 დღით ადრეა გადაღებული. კადრებში ჩანს, რომ თავიდან კიმის საჯდომი კაბაში არ ეტევა. შემდეგ კი პიტ დევიდსონისა და დამხმარე გუნდის მეშვეობით კიმმა კაბა ჩაიცვა, თუმცა უკანალთან კაბა არ შეეკვრა.

სრული ვიდეო შეგიძლიათ ნახოთ ამ ბმულზე.

მაყურებლები ვარაუდობენ, რომ საღამოსთვის შერჩეული მონროს სტილის თეთრი ქურქი უფრო აუცილებლობა იყო, ვიდრე — აქსესუარი.

ბევრმა კარდაშიანი იმის გამოც გააკრიტიკა, რომ ისტორიულ კაბას საფრთხე შეუქმნა, რადგან არსებობდა მაღალი რისკი, რომ ის დაეზიანებინა.

ასევე იხილეთ: