უკრაინის პრეზიდენტის, ვოლოდიმირ ზელენსკის განცხადებით, რისკები, რომ რუსეთთან ნებისმიერი საუბარი მთლიანად დაიხუროს, დიდია. მისი თქმით, ახლა რუსულ მხარესთან მოლაპარაკების პროცესი "ზედმეტად ნელია". ამის შესახებ მან პოლონურ მედიასთან მიცემულ ინტერვიუში ისაუბრა.

რისკები, რომ რუსეთთან ნებისმიერი საუბარი მთლიანად დაიხუროს, დიდია. ზუსტად იმ შედეგების გამო, რასაც რუსეთი ტოვებს, სადაც არ უნდა იყვნენ. როგორც ჩანს, მათ აქვთ მკვლელობის სახელმძღვანელო და ისინი ყველა ერთნაირად მოქმედებენ გარკვეულ ტერიტორიებზე, რომელთა დეოკუპაციას ვახდენთ და ვხედავთ", — ამბობს ის.

მისი განცხადებით, ახლა მოლაპარაკებები ონლაინფორმატში მიმდინარეობს, რაც კონკრეტული შედეგების მიღწევას ართულებს. მისი თქმით, იცის, რომ რუსეთში საბოლოოდ, ყველაფერს ერთი ადამიანი წყვეტს.

როგორც უკრაინსკა პრავდა წერს, ზელენსკიმ აღნიშნა ისიც, მნიშვნელოვანი საკითხების გადასაჭრელად მხოლოდ პირდაპირი მოლაპარაკებებია საჭირო უკრაინისა და რუსეთის პრეზიდენტებს შორის.

23 აპრილს ზელენსკი თქვა, რომ ხერსონში რეფერენდუმის ჩატარების შემთხვევაში უკრაინა ყოველგვარი მოლაპარაკების პროცესს დატოვებს. გარდა ამისა, მან ისაუბრა, რომ მოლაპარაკებებზე უარს იტყვიან, თუ რუსეთი მარიუპოლში მყოფ ხალხს გაანადგურებს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში