ინდონეზიის პრეზიდენტის, ჯოკო ვიდოდოს თქმით, რუსეთის პრეზიდენტი, ვლადიმირ პუტინი დათანხმდა მის მოწვევას დიდი ოცეულის (G20) სამიტზე. როგორც CNN წერს, ვიდოდომ G20-ის სამიტზე მოწვევა უკრაინის პრეზიდენტს, ვოლოდიმირ ზელენსკისაც გაუგზავნა. ზელენსკის არ უთქვამს დაესწრება თუ არა სამიტს.

"ინდონეზიას სურს G20-ის გაერთიანება. არ დაუშვათ განხეთქილება. მშვიდობა და სტაბილურობა არის მსოფლიო ეკონომიკის აღდგენისა და განვითარების გასაღები", — ამბობს ის.

ვიდოდოს პუტინთან და ზელენსკისთან სატელეფონო საუბარი ჰქონდა. ინდონეზიის პრეზიდენტმა პუტინს უკრაინის ომის დაუყოვნებლივ დასრულების მნიშვნელობაზე ესაუბრა და ქვეყნის სახელით სურვილი გამოთქვა კონფლიქტის მშვიდობიან მოგვარებაში ინდონეზიამ წვლილი შეიტანოს.

სამიტი ნოემბერში, ინდონეზიის კუნძულ ბალიზე გაიმართება. ამის შესახებ ინდონეზიის პრეზიდენტმა, ჯოკო ვიდოდომ განაცხადა.