ორეზიდენტის, სალომე ზურაბიშვილის განცხადებით, უკრაინის ელჩის გაწვევა დაკავშირებულია ზოგიერთი ოპოზიციური პარტიის კონტაქტებით ზოგიერთ უკრაინელ ლიდერთან. ამაზე ზურაბიშვილმა Foreign Policy-სთან ინტერვიუში ისაუბრა.

"ვფიქრობ, ამას პოლიტიკური ელფერი აქვს, დაკავშირებულია საქართველოს შიდა პოლიტიკასთან, ზოგიერთი ოპოზიციური პარტიის ზოგიერთ უკრაინელ ლიდერთან კავშირებთან", — თქვა მან.

31 მარტს ზელენსკიმ ხელი მოაწერა ბრძანებას მაროკოსა და საქართველოდან უკრაინის ელჩების გაწვევის შესახებ.

"არიან ისეთები, რომლებიც ყველასთან ერთად მუშაობენ სახელმწიფოს დასაცავად და არიან ისეთებიც, რომლებიც ტყუილად კარგავენ დროს და მუშაობენ მხოლოდ იმისთვის, რომ დარჩნენ თანამდებობაზე. არ იქნება იარაღი, არ იქნება სანქციები, არ იქნება შეზღუდვები რუსეთის ბიზნესისთვის — მოძებნეთ სხვა სამუშაო" — თქვა მან.

მანამდე, პირველ მარტს ზელენსკიმ საქართველოდან ელჩი კონსულტაციებისთვის გაიწვია. მაშინ უკრაინის პრეზიდენტმა განაცხადა, რომ ამის მიზეზი სანქციებზე "ამორალური პოზიცია" და უკრაინაში მოხალისეების წასვლაში ხელის შეშლა იყო.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში