უკრაინის პრეზიდენტის ადმინისტრაციის უფროსის მრჩევლის, ალექსეი არესტოვიჩის განცხადებით, რუსეთში სამხედრო ბაზები და ოფისები იწვის, როს გამოც შეგრძნება აქვს, რომ პარტიზანული ომი დაიწყო. მისი თქმით, უცნობია რა ხდება რუსეთში, თუმცა ამბობს, რომ ხალხს არ სურს სამხედრო გაწვევის ოფისებში მისვლა და ამას აბრკოლებს.

"უცნობია, რა ხდება რუსეთში. უსურიისკში სამხედრო ბაზა იწვის, იწვის სამხედრო აღრიცხვისა და სამხედრო მოსამსახურეების ოფისები, სამხედრო უნივერსიტეტები, რამდენიმე საწყობი, გუბერნატორების სახლები.

ისეთი შეგრძნება მაქვს, რომ რუსეთში პარტიზანული ომი დაიწყო. ეს განსაკუთრებით ეხება სამხედრო აღრიცხვისა და გაწვევის ოფისებს — ხალხს არ სურს იქ მისვლა და აბრკოლებს ამას", — ამბობს ის.

25 აპრილის რუსეთის ქალაქ ბრიანსკში ნავთობის საცავს ცეცხლი გაუჩნდა. როგორც ადგილობრივებმა რუსულ პროპაგანდისტულ მედია RIA-ს განუცხადეს, ხანძრამდე ორი აფეთქების ხმა გაიგეს.