უკრაინის საგარეო საქმეთა მინისტრი, დმიტრო კულება განცხადებით, რუსეთის მხრიდან მესამე მსოფლიო ომის "რეალურ" საშიშროებაზე საუბარი ნიშნავს, რომ ის გრძნობს უკრაინაში დამარცხებას. მისივე თქმით, მსოფლიომ უნდა გააორმაგოს უკრაინის მხარდაჭერა.

"რუსეთი კარგავს უკანასკნელ იმედს, რომ შეაშინოს მსოფლიო უკრაინის მხარდაჭერისთვის. ამრიგად, საუბარია მესამე მსოფლიო ომის "რეალურ" საშიშროებაზე. ეს მხოლოდ იმას ნიშნავს, რომ მოსკოვი უკრაინაში დამარცხებას გრძნობს. ამიტომ, მსოფლიომ უნდა გააორმაგოს უკრაინის მხარდაჭერა, რათა ჩვენ გავიმარჯვოთ და დავიცვათ ევროპული და გლობალური უსაფრთხოება", — წერს კულება.

გუშინ, 25 აპრილს რუსეთის საგარეო საქმეთა მინისტრმა, სერგეი ლავროვმა განაცხადა, რომ ბირთვული ომის საფრთხე რეალური და სერიოზულია. ლავროვი ამტკიცებს, რომ ამ საფრთხის ხელოვნურად გაზრდის ბევრი მსურველია.