ხერსონის მერი, იგორ კოლიხაევი აცხადებს, რომ რუსმა სამხედროებმა საკრებულოს შენობა აიღეს და მისი მართვა დაიწყეს. მისი თქმით, ოკუპანტებმა შენობიდან უკრაინის დროშა ჩამოხსნეს.

უკრაინული მედიების ინფორმაციით, რუსმა სამხედროებმა დაცვის წევრებს შენობის გასაღები წაართვეს და ცდილობდნენ გაერკვიათ, რომელ საათზე იწყება ჩვეულებრივ სამუშაო დღე. როგორც უკრაინსკა პრავდა წერს, მერს და საკრებულოს თანამშრომლებს სახლში წასვლის საშუალება მიეცათ.

მედიის ცნობით, ხვალიდან საკრებულო არ იმუშავებს, რადგან ყველა შენობას დროებით რუსი დამპყრობლები აკონტროლებენ.