უკრაინის პრეზიდენტი, ვოლოდიმირ ზელენსკი ემანულ მაკრონს საფრანგეთის საპრეზიდენტო არჩევნებში გამარჯვებას ულოცავს ამის შესახებ მან Twitter-ზე დაწერა.

"ვულოცავ საფრანგეთის პრეზიდენტს და უკრაინის ნამდვილ მაგობარს, ემანუელ მაკრონს არჩევნებში გამარჯვებას. ვუსურვებ მას ახალ წარმატებებს ხალხის საკეთილდღეოდ. ვაფასებ საფრანგეთის მხარდაჭერას და დარწმუნებული ვარ, ჩვენ ერთად მივდივართ ახალი საერთო გამარჯვებისკენ! ძლიერი და ერთიანი ევროპისკენ", — წერს ის.

საფრანგეთის საპრეზიდენტო არჩევნების მეორე ტურის ეგზიტპოლის შედეგების მიხედვით, მაკრონმა ხმების 58,2%, ხოლო მისმა მოწინააღმდეგენ, მარინ ლე პენმა 41,8% მიიღო. არჩევნებში გამარჯვების შემთხვევაში მაკრონი საფრანგეთის პრეზიდენტი მეორედ, კვლავ 5 წლის ვადით გახდება.

წინა საპრეზიდენტო არჩევნებზე, რომელიც 2017 წელს ჩატარდა, მაკრონმა სწორედ ლე პენი დაამარცხა.