ეროვნულ-დემოკრატიული ინსტიტუტის (NDI) ახალი კვლევის მიხედვით, გამოკითხულთა უმრავლესობა ეკონომიკის გაუარესებას, პრორუსული ძალების გააქტიურებასა და რუსეთის სამხედრო აგრესიას ელის. კითხვაზე, ამჟამინდელი მდგომარეობის გათვალისწინებით, რამდენად მოსალოდნელია ან არ არის მოსალოდნელი, რომ საქართველოში შემდეგი მოვლენები განვითარდეს, პასუხები ასე გადანაწილდა:

  • საქართველოში ეკონომიკური მდგომარეობის გაუარესება: მოსალოდნელია — 80%, ნაკლებად მოსალოდნელია — 11%;
  • საქართველოში პრორუსული პოლიტიკური ძალების გაუარესება: მოსალოდნელია — 57%, ნაკლებად მოსალოდნელია — 15%;
  • რუსეთის სამხედრო აგრესია საქართველოს მიმართ: მოსალოდნელია — 52%, ნაკლებად მოსალოდნელია — 21%;
  • ევროკავშირთან ურთიერთობების გაუარესება/გაფუჭება: მოსალოდნელია — 32%, ნაკლებად მოსალოდნელია — 22%;

ფოტო: NDI

NDI-ის კვლევა დიდი ბრიტანეთის მთავრობის UK aid ფინანსური ხელშეწყობით ხორციელდება. კვლევა ჩატარებულია CRRC საქართველოს მიერ. ორგანიზაციის განცხადებით, ანგარიში რუსეთის მიერ უკრაინაში შეჭრამდე დაახლოებით ორი კვირით ადრე (3-15 თებერვალს) და ორი კვირის შემდეგ (9-20 მარტს) ჩატარდა და ქვეყნის წარმომადგენლობით (ოკუპირებული ტერიტორიების გამოკლებით) ორი სატალეფონო გამოკითხვის შედეგებს ემყარება. რესპონდენტები მარტივი შემთხვევითი შერჩევის გზით — შემთხვევით ნომერზე დარეკვის მეთოდით აარჩიეს. ინტერვიუები ჩატარდა: ქართულ, აზერბაიჯანულ, სომხურ და რუსულ ენებზე.

თებერვლის კვლევაში ჩატარდა 2 036 დასრულებული ინტერვიუ (18% გამოპასუხება AAPOR სტანდარტების მიხედვით). საშუალო ცდომილების ზღვარი - +/- 1,8 პროცენტი. მარტის კვლევაში 2 204 დასრულებული ინტერვიუ (18% გამოპასუხება AAPOR სტანდარტების მიხედვით). საშუალო ცდომილების ზღვარი +/- 1,6 პროცენტია. ცდომილების ზღვარი იცვლება სხვადასხვა კითხვის მიხედვით.

ამავე თემაზე: