ეროვნულ-დემოკრატიული ინსტიტუტის (NDI) კვლევის მიხედვით ინსტიტუტების შეფასება უცვლელია. მათი თქმით, გამონაკლისია მხოლოდ პრეზიდენტი — მისი საქმიანობის დადებითი შეფასება თითქმის გაორმაგდა.

NDI-ს მიხედვით, 2021 წლის დეკემბერში პრეზიდენტის ინსტიტუტს მოსახლეობის 14% აფასებდა დადებითად, 29% კი საშუალოდ. კვლევის შედეგებით, 2022 წლის მარტის მონაცემებით პრეზიდენტის ინსტიტუტს მოსახლეობის 24% აფასებს დადებითად, 42% კი საშუალოდ.

ფოტო: NDI

ND

NDI-ის კვლევა დიდი ბრიტანეთის მთავრობის UK aid ფინანსური ხელშეწყობით ხორციელდება. კვლევა ჩატარებულია CRRC საქართველოს მიერ. ორგანიზაციის განცხადებით, ანგარიში რუსეთის მიერ უკრაინაში შეჭრამდე დაახლოებით ორი კვირით ადრე (3-15 თებერვალს) და ორი კვირის შემდეგ (9-20 მარტს) ჩატარდა და ქვეყნის წარმომადგენლობით (ოკუპირებილი ტერიტორიების გამოკლებით) ორი სატალეფონო გამოკითხვის შედეგებს ემყარება. რესპონდენტები მარტივი შემთხვევითი შერჩევის გზით — შემთხვევით ნომერზე დარეკვის მეთოდით აარჩიეს. ინტერვიუები ჩატარდა: ქართულ, აზერბაიჯანულ, სომხურ და რუსულ ენებზე.

თებერვლის კვლევაში ჩატარდა 2 036 დასრულებული ინტერვიუ (18% გამოპასუხება AAPOR სტანდარტების მიხედვით). საშუალო ცდომილების ზღვარი - +/- 1.8 პროცენტი. მარტის კვლევაში 2 204 დასრულებული ინტერვიუ (18% გამოპასუხება AAPOR სტანდარტების მიხედვით). საშუალო ცდომილების ზღვარი +/- 1.6 პროცენტია. ცდომილების ზღვარი იცვლება სხვადასხვა კითხვის მიხედვით.