ბუჩას მერის, ანატოლი ფედორუკის განცხადებით, ოკუპანტებმა ქალაქში ყოველი მეხუთე ადამიანი მოკლეს. მის კომენტარს უკრაინული გამოცემა UNIAN ავრცელებს.

"ჩვენ ბუჩაში დავთვალეთ, მოკლულია ყოველი მეხუთე ადამიანი, მათ შორის, ვინც ქალაქში ოკუპანტებთან ერთად იყო. მე, ისევე როგორც ათასობით ჩემი თანამოქალაქე, სიძულვილს ვგრძნობ მათ მიმართ, ვინც აწამა და მოკლა ბუჩას მშვიდობიანი მოქალაქეები", — განაცხადა მან.

15 აპრილს ფედორუკმა თქვა, რომ ბუჩაში მოკლული მოქალაქეების თითქმის 85%-ს ტყვიით მიყენებული ჭრილობები აქვთ.

კიევის ოლქი რუსი ოკუპანტებისგან 2 აპრილს გათავისუფლდა. ირპენმა, ბუჩამ, გოსტომელმა და სხვა ქალაქებმა, სადაც უკრაინის ჯარები შევიდნენ, მსოფლიოს ხელახალი გამოღვიძება აიძულა.

მედიაში გავრცელდა ფოტოები ბუჩას ქუჩებიდან, რომელიც სავსე იყო ცხედრებით — მათ ნაწილს ხელები ჰქონდათ შეკრული, ნაწილის გვერდით ველოსიპედები ეყარა, ნაწილი კი, მინიმუმ, სამი კვირის წინ მაინც იყო მოკლული.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში