უკრაინაში მყოფი ქართველი სამხედრო, ვანო ნადირაძე Facebook-ზე წერს, რომ ბრძოლაში კიდევ ერთი ქართველი დაიღუპა, ერთი კი დაიჭრა.

On.ge დეტალების გასარკვევად დაუკავშირდა საგარეო საქმეთა სამინისტროს. უწყების პასუხს მიღებისთანავე შემოგთავაზებთ.

უკრაინაში დაღუპული ქართველი მებრძოლები გია ბერიაშვილი და დავით რატიანი საქართველოში 24 მარტს გადმოასვენეს, 31 მარტს დავით გობეჯიშვილი, ხოლო 15 აპრილს ნიკა შანავა და დავით მენაბდიშვილი. გადმოსვენების დროს მოქალაქეები თბილისის აეროპორტში შეიკრიბნენ და პატივი მიაგეს დაღუპულებს.