რუსეთი არ აღიარებს, რომ "ნა ხ*ი" გაშვებული სამხედრო გემი მოსკოვი ჩაიძირა. თავდაცვის სამინისტროს მტკიცებით, გაჩენილი ხანძარი ლოკალიზებულია და მუშაობენ იმაზე, რომ გემი პორტში ბუქსირით შეიყვანონ.

სახელმიფო პროპაგანდისტული მედიები უწყებაზე დაყრდნობით წერენ, რომ გემს ცურვისუნარიანობა შენარჩუნებული აქვს და ძირითადი შეიარაღებაც არ დაზიანებულა.

თუმცა დღეს, 14 აპრილს უკრაინის პრეზიდენტის ადმინისტრაციის მრჩევლმა, ალექსეი არესტოვიჩმა განაცხადა, რომ რუსული სამხედრო გემი, რომელიც კუნძულ ზმეინის მცველებმა "ნა ხ*ი" გაუშვეს, იძირება.

"რუსეთის ფედერაციის შავი ზღვის ფლოტის ფლაგმანმა, კრეისერმა "მოსკვამ" უკუსვლა მოახდინა იმ კუნძულის მიდამოებში, საიდანაც ის გაგაზავნეს ნა ხ*ი. გეშტალტი დახურულია.

სად არის მოსკოვი? "ის ჩაიძირა."

"მოსკოვის" ჩაძირვა არის კოლოსალური სამხედრო მოვლენა და რუსული ფლოტის ყველაზე დიდი მარცხი მეორე მსოფლიო ომის შემდეგ, ასევე ეს არის ყველაზე დიდი ხომალდის ჩაძირვა 1945 წლის შემდეგ" — წერს არესტოვიჩი და იმასაც გვამცნობს, რომ უკვე მეთხუთმეტედ დაბომბეს რუსული ბაზა ჩერნობაევკაში.

ოდესის რეგიონული სამხედრო ადმინისტრაციის პრესმდივანის, სერგეი ბრატჩუკის განცხადებით, რუსული კრეისერი, სავარაუდოდ, ერთი წლით ქმედუუნარო იქნება. მანვე დააზუსტა, რომ ხომალდის დაზიანების მიზეზი რაკეტა გარპუნი გახდა.

როგორც უკრინფორმი წერს, შავი ზღვის სტრატეგიული კვლევების ინსტიტუტის ხელმძღვანელმა ანდრეი კლიმენკომ განმარტა, რომ კრეისერის დაბომბვით რუსეთს 16 საკრუიზო რაკეტით ნაკლები ექნება, რაც მნიშნველოვნად შეამცირებს ამ კუთხით უკრაინაზე თავდასხმის ინტენსივობას.