უკრაინის საგარეო საქმეთა მინისტრი, დმიტრო კულება გაეროს ადამიანის უფლებათა საბჭოში რუსეთის წევრობის შეჩერების გადაწყვეტილებას ეხმაურება და ამბობს, რომ ომის დამნაშვეების ადგილი არაა გაეროს იმ ორგანოებში, რომელთა მიზანი ადამიანის უფლებათა დაცვაა. კულებამ ყველა წევრ სახელმწიფოს, ვინც რეზოლუციას მხარი დაუჭირა მადლობა გადაუხადა.

"რუსეთს ახლახან გაეროს ადამიანის უფლებათა საბჭოში წევრობის უფლება შეუჩერდა. ომის დამნაშავეების ადგილი არაა გაეროს ორგანოებში, რომელთა მიზანი ადამიანის უფლებათა დაცვაა. მადლობა ყველა წევრ სახელმწიფოს, რომელმაც მხარი დაუჭირეს რეზოლუციას და აირჩიეს ისტორიის სწორ მხარეს დგომა", — წერს კულება.

გაეროს გენერალურმა ასამბლეამ რუსეთს ადამიანის უფლებათა საბჭოს წევრობა შეუჩერა. ამის მიზეზი რუსული ჯარის უკრაინაში შეჭრის შედეგად ადამიანის უფლებათა უხეში და სისტემური დარღვევებია.