თბილისის მერიის ინფორმაციით, 15 აპრილიდან ავტობუსებისა და მიკროავტობუსების ახალი მარშრუტები ეტაპობრივად ამოქმედდება. მათივე თქმით, სხვადასხვა მიმართულებით გადაადგილების გასაუმჯობესებლად ავტობუსის შვიდი და მიკროავტობუსის ათი ახალი მარშრუტი ამოქმედდება.

ავტობუსების ახალი მარშრუტები:

• #298 ავტობუსი — უზრუნველყოფს მეტროსადგურ სახელმწიფო უნივერსიტეტიდან ქავთარაძის ქუჩის გავლით, ყაზბეგისა და პეკინის გამზირების კავშირს, ასევე, მგზავრების მომსახურებას სადგურის მოედნის მიმართულებით;
• #299 ავტობუსი — უზრუნველყოფს მგზავრების მომსახურებას მეტროსადგურ დიდუბის ქვედა გასასვლელის მიმდებარე ტერიტორიიდან დიღმის მასივის მიმართულებით (ლუბლიანას ქუჩისკენ);
• #300 ავტობუსი — დავით აღმაშენებლის გამზირიდან საბურთალოს რაიონში, ვაჟა-ფშაველას გამზირის მიმართულებით გადაადგილდება;
• #303 ავტობუსი — მგზავრებს მეტროსადგურ ვარკეთილიდან ილია სუხიშვილისა და სესილია თაყაიშვილის ქუჩების გავლით მოემსახურება;
• #366 ავტობუსი — სრულად ჩაანაცვლებს N420 მიკროავტობუსს და უზრუნველყოფს გიორგი აბაშვილის, ზაზა ფანასკერტელ-ციციშვილის, თრიალეთისა და კალოუბნის ქუჩების მომსახურებას (მეტროსადგურ ვარკეთილამდე);
• #396 ავტობუსი — ჩაანაცვლებს მიკროავტობუსს — #408. იგი მეტროსადგურ ისნის მიმართულებით, უზრუნველყოფს აეროპორტის, ალექსეევკის დასახლებებისა და მასთან ერთად, კახეთის გზატკეცილის მიმდებარედ მცხოვრები მოქალაქეების გადაყვანას;
• #399 ავტობუსი — ჩაანაცვლებს მიკროავტობუს #537-ს და მეტროსადგურ ვარკეთილიდან ლილო მოლის მიმართულებით იმოძრავებს;
• ავტობუსების — #373 და #379 მარშრუტებზე მომსახურების გაუმჯობესების მიზნით, შემცირდება მოცდის ინტერვალი.

ავტობუსების მარშრუტების გარდა, ამოქმედდება მიკროავტობუსის შემდეგი ახალი მარშრუტები:

• #408 მიკროავტობუსი — მეტროსადგურ რუსთაველის მიმდებარე ტერიტორიიდან თავისუფლების მოედნის გავლით, უზრუნველყოფს კაკაბაძისა და ჭონქაძის ქუჩების

  მცხოვრებლების მომსახურებას;

• #420 მიკროავტობუსი — მეტროსადგურ რუსთაველის მიმდებარე ტერიტორიიდან ჭოველიძისა და ბელინსკის ქუჩების გავლით, რჩეულიშვილისა და ჯაფარიძის ქუჩების მცხოვრებლებს მოემსახურება;

• #537 მიკროავტობუსი — მეტროსადგურ დელისიდან უზრუნველყოფს ნუცუბიძის პლატოს III და IV მიკრორაიონების კავშირს, ასევე, მოემსახურება დათუაშვილისა და ლეო და ნოდარ გაბუნიების ქუჩებს;

• #549 მიკროავტობუსი — მოემსახურება წინანაურის, საბატონოს, ცოლიკაურის, ჟორდანიასა და დიდი ხეივნის ქუჩების მოსახლეობას;

• #552 მიკროავტობუსი — უზრუნველყოფს კალანდაძისა და თორთლაძის ქუჩების მცხოვრებლების მომსახურებას და მგზავრებს მეტროსადგურ 300 არაგველთან დააკავშირებს.

• #553 მიკროავტობუსი მეტროსადგურ ღრმაღელემდე იმოძრავებს გვაზაურის II შესახვევის, ზიგზაგის I და ბოგვის ქუჩების გავლით;

• #554 მიკროავტობუსი — უზრუნველყოფს თვალჭრელიძის ქუჩისა და ამავე ქუჩის II შესახვევის, ასევე, ბერიაშვილის ქუჩის მომსახურებას და მესამე მასივის გავლით, მგზავრებს მეტროსადგურ ვარკეთილთან დააკავშირებს;

• #555 მიკროავტობუსი — უზრუნველყოფს მგზავრთა გადაადგილებას მეტროსადგურ 300 არაგველამდე შორაპნის II ქუჩის, ზურაბიშვილისა და დოლაბაურის ქუჩების გავლით;

• #556 მიკროავტობუსი — მგზავრებს როსტოვის, ქინქლაძის, ლარეხისა და ჩეჩელაშვილის ქუჩებით რკინიგზის გადასასვლელ ხიდთან დააკავშირებს;

• N558 მიკროავტობუსი — უზრუნველყოფს მომსახურების გაუმჯობესებას მეტროსადგურ დელისამდე ნუცუბიძის I მიკრორაიონიდან ნუცუბიძის ქუჩის გავლით.

მერიაში ამბობენ, რომ მოცდის ინტერვალები შემცირდება შემდეგ მიკროავტობუსებზე — #403, #423, #424, #425, #428, #429, #439, #444, #445, #456, #465, #480, #496, #500, #510, #511, #520, #521, #524 და #546.

შეიცვალა ზოგიერთი მიკროავტობუსის მარშრუტი:

• #411 მიკროავტობუსის მარშრუტი დამატებით, მოემსახურება ქვემო ფონიჭალაში ალექსანდრე ბერიძის ქუჩის მოსახლეობას;
• #419-ის მარშრუტი წრიული იქნება და მიკროავტობუსი სოფელ აგარაკების მოსახლეობას მოემსახურება;
• #422 მიკროავტობუსი ნესტან დარეჯანის ქუჩიდან სოფელი დიღმის მიმართულებით იმოძრავებს;
• #427-ის მარშრუტიც წრიული იქნება და დამატებით, მოემსახურება იაკობ ცურტაველისა და გიორგი გურამიშვილის ქუჩებს;
• მიკროავტობუსი — #486 მოემსახურება გლდანის ხევის მოსახლეობას;
• #476 მარშრუტში განხორციელდება ცვლილება. აღნიშნული მიკროავტობუსი სადგურის მოედნიდან მგზავრებს ნუცუბიძისა და მინდელის ქუჩების მიმართულებით მოემსახურება.

21 მარტს ავტობუსის სამარშრუტო ნომრები შეიცვალა. ნომრის ცვლილება ავტობუსების იმ მარშრუტებს შეეხო, რომლები მგზავრებს ინტეგრირებული გადახდის სისტემის დანერგვამდე ემსახურებოდა.